Saneamentu Lasatisfas ho Atetude Komunidade

Saneamentu Lasatisfas ho Atetude Komunidade

- in Nasional
17
0
download (1)

Dili-Servisu Saneamentu Munisipiu Dili preokupa tebes ho sira nia servisu. Tanba sei hasoru difikuldade boot iha tempu raut foer.

Lia-hirak nee hatoo husi Traballador, Zelia Madeira ba STL iha Audian Dili, Tersa (26/11/2019).

Tuir nia katak, defikuldade neebe sira hasoru durante nee maka komunidade sira soe fali animal maten iha fatin lixu nee duni bainhira sira ba raut sempre hasoru ambiente neebe dois ida nee mak halo sira sente triste.

Agora dadauk ami hamos iha valeta laran deit sempre hetan ema soe animal mate inklui labarik sira nia popok ida nee mak halo ami triste, katak Zelia.

Nia dehan, ho situasaun sira hanesan nee bainhira ami hetan sempre fo hatene ba maluk komunidade sira neebe hela besik valeta sempre dehan ba sira labele soe foer iha valeta laran, imi ba soe foe kaer karik ba soe iha fatin lixu nian. Nunee mos animal maten labele soe iha valeta laran ho lixu fatin diak liu hakoi tiha.

Foer mak soe iha fatin lixu atu nunee kareta mai raut deit, maibe komunidade sira laiha konsensia sei soe nafatin, hamos tiha soe fali deit.

Iha fatin seluk Xefe Esgotu Postu Administrativa Dom Aleixo, Joao Barreto dehan, bainhira hamos valeta laran laran sempre hasoru difikuldade barak tanba komunidade sira soe fali animal maten iha valeta laran. Nee duni, kuandu pesoal saneamentu sira ba hamos sempre fo impaktu ba sira nia saude.

Ita hela iha Dili nee ema barak nee duni koalia hela deit mos larona ida, bainhira ami hamos tiha lao tiha hela soe fali deit. Nee duni, tuir lolos governu kria lei ida neebe forti hodi nunee bele regula atetude sira hanesan nee foin bele resolve lixu iha Kapital Dili,katak Joao.

Nunee mos komunidade Antonio Ximenes dehan, lorloron sira neebe hela besik valeta sempre hasoru difikuldade barak. Tanba maluk balu soe arbiru deit foer liuliu animal mate iha valetan laran ida nee maka halo sira senti ladun diak ida. ESTI 07

Komentariu

Facebook Comments

Leave a Reply

Your email address will not be published. Required fields are marked *