SAMES Aprezenta Relatorio Hodi halo Mudansa ba Prosesu Sosa Aimoruk

SAMES Aprezenta Relatorio Hodi halo Mudansa ba Prosesu Sosa Aimoruk

- in Metro
65
0
aimoruk

DILI-Sames aprezenta relatoriu ba ministeriu saude, hodi halo mudansa ba prosesu tenderizasaun sosa aimoruk.

Tuir Ministru Saude Rui Maria Hateten, relatoriu neebe maka Diretora ezekutivu Sames aprezenta  relatoriu  prosesu sosa ai-moruk  ba tinan 2018  nian, tanba iha Timor  nee seidauk iha fabrika. Tanba nee prosesu atu sosa aimoruk normalmente lori tempu fulan nee too fulan sia(9), tanba nee maka intende didiak prosesu sosa aimoruk nee no aprezenta mos mekanismu konkursu internasional. Hodi nunee bele konsege halo akordu entendementu ida ho vendedor sira atu stand bai durante tinan tolu nia laran.

Bainhira presija halo pedidu formal atu kompania bele suplai aimoruk ho presu neebe hodi sosa. Ida nee maka sei halo uluk planu tinan oin maibe, ba oin nee sei iha ona mudansa kada tinan tolu maka hafoin sosa aimoruk neebe ho kualidade, ho prosesu neebe kleur. Tinan tinan SAMES halo tenderizasaun ida nee prosesu neebe kleur no lakon tempu halo hela deit tender, tanba nee diak liu tinan tolu halo tenderizasaun sosa aimoruk dala ida ho aimoruk neebe maka kualidade no durasaun tempu neebe naruk.

Iha VII Governu iha programa neebe maka aprezenta ona ba iha Parlamentu Nasional koalia kona ba tinan lima mai, atu buka garante suplai aimoruk neebe sufisiente ba fasililidade saude hotu-hotu iha Timor Leste, atu bele suporta prestasaun ba kuidadus nee komprimisiu neebe tau iha programa, sistema no prosedurmentus neebe Sames halao.

Ita hotu hatene Sames instituisaun estadu iha Ministeriu Saude nia okos, neebe iha responsabilidade atu sosa aimoruk,sosa ekipamentus,sosa reazentes,konsomoves sira armazen. Iha nee depois halo distribuisaun ba servisu nasional tomak iha Timor laran. Ida nee maka responsabilidade Sames nian,”hateten Ministru saude Rui Maria ba Jornalista iha salaun Armajen Sames, Kampun Alor, Kuarta,(11/10/2017).

Nia sublina, liu husi enkontru nee atu haree funsionariu Sames nia servisu nee laooinsa, tanba nee buat neebe maka presija hadia tenke halo. Hodi nunee bele ajuda implementa programa neebe maka Governu kompromete atu halo tinan lima oin mai, liu-liu iha area aimoruk nian, reazentes no ekipamentu mediku.

Sistema neebe maka presija hadia nee pontu premeiru hadia lei aprozionamentu espesifiku aimoruk nian, depois maka VIIgovernu haree fila fali atu ajusta diak liu, tanba realidade no postu segundu maka atu hadia sistema servisu iha Sames nia laran no presiza peritos balu, liu-liu sosa aimoruk iha internasionais. Ida nee neneik tinan lima oin mai hadia sistema nee diak liu tan.

Iha fatin hanesan Diretora ezekutivu SAMES, Dotora Odete Maria Freitas hateten,enkontru nee hodi koalia liu kona ba prosesu sosa aimoruk ba tinan oin, no oinsa atu halo akordu ruma fornesedor aimoruk liu husi akordu nee bele too durasaun tinan naruk ka tinan 3 halo okordu neebe mak diak no aimoruk neebe kualidade.

Servisu no lalaok ida nee ajuda ita atu bele habadak prosesu sosa aimoruk, tanba tinan tinan ita sempre loke tender. Tanba nee maka iha hau nia paresetasaun neebe maka hatoo, se bele ita sosa aimoruk nee ba tinan rua ou tinan 3 dala ida maibe, ho aimoruk neebe maka ho kualidadekada tinan ita loke tender, nee ho prosesu neebe maka naruk tebes dehan,”esplika Odete.

Nia hatutan, prosesu nee sei halao tinan oin maka Sames sei koko no seidauk hatene los kompania neebe mak sai manan nain ba tenderizasaun sosa aimoruk, tanba sei haree tok lai kompania nee tuir duni Sames nia hakarak ga lae hodi sosa aimoruk nee.

Nia dehan, kauntifikasaun sosa aimoruk nee husi diresaun farmasia Ministeriu Saude maka sosa aimoruk mak hodi mai tau iha armazen Sames maka hafoin distribui ba iha Ospitais no sentru saude iha teritoriu. Tuir sentru saude no Hospitais nia pedidu neebe maka mai hia SAMES. Jeniche da Costa

Facebook Comments

Leave a Reply

Your email address will not be published. Required fields are marked *