Same Positivu Corona , Florencia: Nee Laloos

Same Positivu Corona , Florencia: Nee Laloos

- in Metro, Nasional, Politics
236
0
download (7)

Editora:Carme Ximenes

DILI – Primeiru Ministru, Taur Matan Ruak hatete, suspeitu virus Corana  ida iha Same, nia mai husi Indonezia liu husi  jalan tikus.

Hatete Xefe Governu, bainhira aprezenta pedidu Estadu Emerjensia, iha PN, Dili, Kinta (26/03/2020).

Ministra Saude foin avizu katak ita dadaun nee iha suspeitu ida iha Same, nia mai husi sorin balun, ka dalan tikus, hateten PM TMR.

Nia dehan, kuandu kazu importadu hanesan  nee tenke halo esforsu para izola, atu nunee  labele afeta fali ba komunidade.

Tanba moras nee nia multi implika nee makas no lalais loos, tuir estatiika ho matematika tuir OMS nian, sei TL kona karik dadaun nee atinzi ona 10%.

Iha fatin hanesan, Deputada Olinda Guterres husi Bankada KHUNTO  hatete, nia foin rona suspeitu virus corona   ida iha Same,  nee mai husi neebe.

Tanba Ministra Saude hodi banhira mai iha PN  dehan katak, pesoal saude sira sempre kontrola masimu iha aeroportu no portu, maibe tanba saida mak suspeitu nee iha fali Same, deputadu nee hatete.

Florencia: Nee Laloos

Entretantu Diretora Servisu Saude Munisipiu Manufahi Florencia Tilman Corte-Real  hatete, informasaun ohin iha PN  nee la los, tanba sira halao hela karantina ba Timoroan nain tolu neebe mak foin fila husi Indonezia , liu husi jalan tikus.

Suspeitu iha Manufahi nee laloos,  ami halo karantina ba ema nain tolu neebe mak mai husi Indonezia, liu husi jalan tikus hodi observa hela durante loron 14 iha fatin izolamentu nian iha Same, hatete Florencia.

Nia dehan,sira loron hira ona iha karantina, maibe  laiha sintomas hanesan inus metin, mear, isin manas, agora dadaun nee sira nian kondisuan diak hela.*

Reportajen : Jeniche da Costa/ Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *