Saldu Iha Kofre Estadu 200 Miloens

Saldu Iha Kofre Estadu 200 Miloens

- in Nasional
160
0
osan-pv

DILI-Montante Orsamentu neebe sei uja ba fulan Febreiru hamutuk Noventa Sinco Miloens, nunee mos total saldu iha konfre estadu kuaze Dozentu Ital (200) Miloens.

Kestaun nee hato husi Ministra Finansas Interina Sara Lobo ba jornalista sira, iha Palasiu Governu, Dili, Segunda (04/02/2019), Ministra Interina Sara hatete, Enkontru regular ho Primeiru Ministru aktualiza ba Primeiru Ministru atu semana oin bele hatama iha ajenda Konsellu Ministru konaba duodesimu ba Fulan Febreiru.

Portantu montante orsamentu ba fulan Febreiru nian iha Noventa sinku Miloens, nunee mos total saldu neebe mak iha kofre estadu hamutuk Dozentus ital, orsamentu nee sei to hodi sustenta makina estadu.

Duodesimu Janeiru nian foin taka, no ejekusaun ba fulan nee ba deit bens servisu, tranferensia publikas balu, tanba kapital ita latama iha Janeiru, infraestruturas laiha, maibe Febreiru ita iha salariu bensimentu, bens servisu, tranferensia publikas ho kapital dezenvolvimentu,”dehan Ministra Interina Sara.

Iha parteketak Vise PPN Angelina Sarmento hatete, Orsamentu doudesimu preve atu funsionamentu makina estadu hahu fulan Janeiru 2019, tanba OJE 2018, sei kobre atu aplika rezime doudesimu neebe preve ona, dehan Vise PPN Angelina.

Entretantu Liu husi reniaun Governu ninian, aprova aplikasaun duodesimu fulan Janeiru nian iha loron 9 Fulan Janeiru, tinan 2019 hamutuk 71 Miloens hodi funsiona makina estadu no selu salariu ba funsionariu publiku sira. Notisia kompletu lee iha jornal STL edisaun Kuarta  (06/02/2019). Carme Ximenes

Komentariu

Facebook Comments

Leave a Reply

Your email address will not be published. Required fields are marked *