Sai Rede Ba Feto Maluk

Sai Rede Ba Feto Maluk

- in Metro
199
0
klase-paralelo

DILI– Rede feto ho nia membru sai hanesan rede ba feto maluk sira, tanba halo advokasia hodi apoiu ba feto maluk.

Tuir Sekretaria Estadu Apoiu Promosaun Sosio Ekonomia ba Feto Veneranda Lemos katak, rede feto hanesan organizasaun neebe forte iha Timor Leste, hodi halao advokasia ba igualidade jeneru. No sai parseru diak ba governu, hodi halao sira nia servisu ho diak tebes.

Sira sai hanesan rede, ba sira nia feto maluk seluk. Sira halao servisu diak tebes, maibe dala barak sira mos lamenta tanba fundus la dun iha, ba rede feto ho nia membru sira. Husi fundus tranferensia neebe SEM iha la dun forte, maibe hau espera governu se deit maka mai, bele tau atensaun ba rede feto ho nia membru sira,” hateten Veneranda ba Jornalista sira, iha Fundasaun Alola, Tersa (09/05/2017).

Nia hatutan, rede feto iha ona nia membru neebe makas, sira bele servisu hamutuk hodi lori feto maluk sira ba oin. Iha mos feto potensial barak, nunee bele haforsa sira hotu.

Iha fatin hanesan, Kordenador Apoiu Sosiedade Sivil Joaquim Freitas hateten, organizasaun rede feto nia ejistensia iha servisu neebe sira halao, susesu tebes iha organizasaun.

Rede feto agora iha nia membru 14 deit, iha inkontru jeral anual nian,  mak foin loke ba organizasaun foun neebe iha interese, atu sai membru, no sira mos sei hasai organizasaun neebe la ativa tiha ona.

Alende nee, Prezidente Board Rede Feto TL Judite Dias Ximenes haktuir tan, rede feto durante nee, halao servisu ho diak, tanba nia membru sira ida idak servisu ho nia programa neebe iha.

Kuaze membru rede feto hotu, servisu iha diversas programas. Hanesan Alola nia servisu buat barak, Focupers sira mos la hare ba feto neebe hasoru VD, maibe sira mos hare konaba oinsa hakbiit feto vitima sira iha area ekonomia, nee hatudu membru sira halao servisu duni,” esplika nia.

Rede feto ho nia membru sira durante nee halao servisu ho diak. Oinsa hasae feto sira husi diskriminasaun ekonomika, feto nia rendimentu, feto nia partisipasaun iha politika, no involvimentu iha edukasaun.

Membru sira halao servisu ho diak, tanba sira mos hakarak halo mudansa ba feto iha area neebe deit. Maske hetan fundus kiik, maibe esforsu atu bele halao atividade neebe iha. Terezinha De Deus

Facebook Comments

Leave a Reply

Your email address will not be published. Required fields are marked *