Ro Naval  Indonezia Vizita TL

Ro Naval  Indonezia Vizita TL

- in International
70
0
Dubes RI-TL_Sahat Sitorus

DILI -Ro militar Indonezia husi komponente naval  ho naran KRI Sultan Usman-359 no KRI  Sultan Muda-367 ho  membru hamutuk 250 vizita Timor Leste hodi hametin lasu amizade forsa naval nasaun rua nia iha futuru.

Embaixador Indonezia mai  Timor Leste,  Sahat Sitorus ba jornalista sira dehan  vizita ro militar husi komponente naval KRI Sultan Usman-359 no KRI  Sultan Muda-367, ro rua nee  to iha Portu Dili, Kuarta dader tuku 9:oo OTL.

Ida nee hanesan vizita diplomasia amizade entre nasaun vizinu rua Timor Leste ho indonezia, liu-liu iha area militar entre nasaun rua, tan nee liu serbisu hamutuk nee bele hametin tan koperasaun iha area defeza nian, dehan Embaixador  Indonezia mai  Timor Leste,  Sahat Sitorus ba Jornalista sira iha Portu Dili, Kuarta (11/12/2019).

Embaixador nee informa, komandante komponente naval husi Ro rua nee Sultan Usman-359 no KRI  Sultan Muda-367 sei halao vizita ba Xefe Estadu Maior F-FDTL, Maijor Jeneral Lere Anan Timur, nomos Ministru Defeza.  Sei  vzita mos ba  kampaun komponente naval iha Hera, nomos sei ba tau aifuan ba iha Jardim dos Herois Taman Makam Pahlawan Seroja Dili, no ikus liu sei iha resepsaun diplomatiku, Sesta  kalan (13/12/2019), iha ro laran, tan nee sei konvida orgaun soberania atu partisipa iha seremonia resepsaun nee

“Hau hanoin hanesan nasaun  neebe nia maritima luan liu iha mundu, Indonezia prepradu atu serbisu hamutuk  ho Timor Leste, hodi hametin relasaun amizade rai rua nian nuudar familia ida deit, nomos nasaun sira neebe halo lina fronteira  ho indonezia, sahat esplika ESTI 01

Komentariu

Facebook Comments

Leave a Reply

Your email address will not be published. Required fields are marked *