Rezolve FM, Australia Hili Dalan Opsional, TL Ho Mandatoriu

Rezolve FM, Australia Hili Dalan Opsional, TL Ho Mandatoriu

- in Notisias Online, Top News
840
0
world_et

DILI– Australia sai nafatin membru UNCLOS, maibe nia hili dalan ba mekanismu opsional, hodi rezolve problema maritima ho dalan negosiasaun, maibe negosiasaun too ohin loron laiha rezultadu, Timor Leste uza mekanismu mandatoriu hodi lori Governu Australia ba Organizasaun Nasoens Unidus (ONU) hodi rezolve delimitsaun Fronteira Maritima (FM).

Peskizador Lao Hamutuk Juvinal Dias hateten Australia laos sai husi UNCLOS, maibe Australia hili dalan husi UNCLOS atu rezolve problema fronteria liu husi dalan negosiasaun.

Tamba nee Australia hili mekanismu difrente, iha konvensaun internasional hotu-hotu, mekanisme atu desputa fornteira nee iha rua, ida mandatoriu ida seluk opsional, mandatoriu katak tenki liu husi Tribunal Internasional, tamba iha 22 marsu 2002 Australia deside katak sira la hili ona dalan mekanisme mandatoriu internasional, maibe sira hili dalan opsional katak se karik iha problema entre nasaun rua entau liu husi dalan negosiasaun laos ba Tribunal, maibe la iha rezultadu TL hili mekanisme mandatoriu kontinua lori Australia ba ONU,” hateten Juvinal, ba jornalista sira, iha nia knar fatin, Bebora, Dili, Segunda (18/04/2016).

Nia hatutan Australia nafatin sai membrus UNCLOS, tamba prinispiu sira neebe aplika iha UNCLOS nafatin aplika ba sira, klaru rezultadu husi tribunal la aplika ba sira, maibe la signifika katak Australia tenki hases aan husi mekanisme ka prinsipiu internasional nia konaba delimitasaun fornteira maritima.

Iha parte seluk Observador Politiku Matias Boavida hateten politiku Asutralia nia hakarak atu ignora buat hotu-hotu, hodi bele alkansa buat neebe maka realidade sira hakarak. Informasaun kompletu iha STL jornal no STL Web, edisaun Tersa (19/4/2016). Joao Anibal

Komentariu

Facebook Comments

Leave a Reply

Your email address will not be published. Required fields are marked *