Resetas Domestika Seidauk Sufsiente

Resetas Domestika Seidauk Sufsiente

- in Economics
183
0
Kresementu

DILI – Resetas domestika too agora seidauk sufisiente halo dezenvolvimentu iha rai laran, tanba nee, atu selu deit salariu funsionariu la too, tenke foti osan husu fundu mina no gas.

Preokupasaun nee fo sai husi Diretur ezekutivu Luta Hamutuk, Mericio Akara ba STL, Sesta (17/03/2017) iha nia knar fatin Farol Dili.

Hau hanoin ita labele hanoin liu ba politika maibe, tenke hare mos ba kestaun ekonomia iha rai laran, oinsa atu investe iha setor produktivu sira nee, nunee bele kontribui resetas ba estadu, hodi redus dependensia ba osan mina no gas nian,”informa nia.

Nia mos informa liu tan katak, governu foti osan estadu, tau importansia ba setor importansia atu dezenvolve setor infraestrutura, Estrada tenke diak no povu iha area remotas tenke diak atu nunee povu iha Nasaun ida nee bele asesu ba merkadu.

Iha parte seluk, Reprezentante povu iha Uma Fukun Parlamentu Nasional, Deputadu Domingos de Carvalho hateten, resetas domestika kiik tebes no, atu selu deit salariu funsionariu sira nian la too tan nee, tenke foti tan osan husi fundus neebe maka iha hodi selu salariu funsionariu sira nian.

Hau hanoin ita nia resetas domestika nee kiik tanba setor lubuk ida maka too agora ita seidauk dezenvolve, hanesan Agrikultura Turismu, peskas nomos industria kiik sira”informa nia.

Nunee mos Deputadu Arao Noe mos hatutan katak, governu hahu halo esforsu dadauk ona hodi rekolia resetas iha baze, maske resetas nee seidauk boot, hahu hakat dadauk ona atu nunee bele diversifika ekonomia rai laran, no labele depende ba osan estadu nian. Madalena Horta

Facebook Comments

Leave a Reply

Your email address will not be published. Required fields are marked *