Renato Da Cruz E Silva

Renato Da Cruz E Silva

- in Perfil
675
0
Profil Renatu

MANE bonito ho naran kompletu Renato Da Cruz E Silva nee, uluk sei kiik iha mehi neebe furak loos, hakarak sai ema neebe edukador professor/mestri maibe ikus mai sai fali enfermeru tekniku laboratorio iha sentru saude komunitaria Comoro. Renato moris iha Ossu (Viqueque) 5 Janeiru 1985.

Oan ba dala 9 husi maun alin nain 9, kompostu husi feto nain 3  no mane nain 6. Feto ida maromak bolu ona ba hela iha nia kadunan santo. Aifunan domin husi Selestino Da Silva (matebian) no Balbina Da Cruz. Estatus agora dadaun halao hela domin ho namorada ida.

Hahu eskola primaria SDK Santa Terezinha Do Menino Jesus Ossu (1995-2000). Eskola pre sekundaria SMPK Santa Terezinha Do Menino Jesus Ossu (2000-2003). Eskola sekundario iha Eskola Sekundario Publiko Olo Cassa Ossu (2003- 2006). Universidade Instituto Ciensia Da Saude Comoro Dili (2007- 2008) iha saude nian no espesialidade iha laboratorio diploma 1 D1. Kontinua ba fali iha Universidade Da Pas (UNPAS) hahu husi tinan 2011- 2015 iha area saude publiku no licenciatura iha saude publiku.

Prestasaun serbisu hahu husi fulan Agosto tinan 2008 servisu iha laboratorio klinika Cito nudar tekniko laboratorio iha fatin refere hahu husi oras 18:00 too 21:00 durante oras tolu nia laran servisu neebe mak halao, hanesan hasai ran periksa urina, faces, sperma, seluk tan no ikus liu fo rezultadu ba pasiente. Servisu mos iha centro saude Comoro hau husi oras 8:00 too 12:00 no kontinua fali 14:00 too 17:00 husi segunda too sexta feira. Hahu iha fulan novembro ate agora, hanesan tekniko laboratorio nudar mos responsabel ba sala laboratorio husi 2013 ate agora, servisu neebe mak halo hanesan analiza ba hasai ran, examina ran, urina, mear tasak, no seluk tan.

Nudar tekniko laboratorio, iha mos servisu seluk neebe presiza atu halo, hanesan asiste ba programa TBC husi tinan 2009- 2013 nunee mos halo atividade seluk neebe iha area centro nian, tuir atividade sisca sweeping, screening, lori ai moruk ba vasina ba postu saude neebe pertese ba sentro saude nian.

Halao mos formasaun saude ba eskola sira konaba moras hadet nian ba estudante sira, tuir mos treinamento iha area laboratorio mak hanesan TBC, malaria, serologia, faces, filiariasis, NCDC, seluk tan.

Dedikasaun servisu nudar sidadaun ida neebe hetan oportunidade, nudar servidor do estado hodi servi ba populasaun sira liu liu sira neebe moras neebe presja atendementu, prontu atu servi sira. Tanba profisaun neebe iha hanesan vokasaun ida neebe hetan husi nai maromak, nunee tenke kuidadu no uja uja ho diak vokasaun ida nee, tanba laos ema hotu hetan maibe iha ema balu deit mak hetan vokasaun nee.

Nunee profisaun ida analista nee importante tebes, tanba liu husi analista ida mak bele indentifika pasiente ida nia moras hanesan liur ran, mear tasak, no seluk tan. Profisaun analista nee sensetivu uitoan, tanba saida mak halo iha inisiu tenke hanesan mos iha faze ida ikus , nudar ema analista tenke hatene pontu tolu neebe importante tebes, 1 pre analitik, 2 analitik, post analitik, nunee servisu ho kapasidade tomak hodi bele atende ba ema neebe mak preisja sira nia tulun.

Hanesan ema humana difikuldade ba nia, laos sai hanesan obstakulu ida, maibe sai hanesan motivasaun ida hodi hodi dudu nia atu bele aprende diak liu tan. No husi difikuldade bele aumenta esperiensia hodi bele hasoru dejafiu neebe mak sei mai.

Vantazen ba nia mak, hetan oportunidade atu bele servi liu husi profisaun neebe iha, maske ema barak la hetan oportunidade ida nee, maske sira hakarak tebes.

Desvantazem servisu iha area saude espesifiko iha analista sensitivu oituoan, tamba hasoru direita ba ema nia vida kuandu sala iha prosesu primeru too faze ikus mos sala hotu mak nia rejultadu mos sala hotu, nunee mak servisu iha laboratoriu importante mak presija iha ketelitian.

Lia menon ba joven sira neebe servisu ona, aproveita tempu nee ho diak, tanba tempo nee osan mean bainhira ita lakohi aproveita tempo nee ho didiak mak tempo nee sei lakon leet deit. No tempu nee sei la fila mai minutu ida mos nia sei la fila mai, basa bainhira ita aproveita tempo nee ho diak mak ita sei konta tempo nia istoria sei la hotu, sei konta hahu husi ita too ita nia biala sira mos sei konta, tanba ita halo ona buat diak iha ita nia vida tomak.

No husu ba kolega pessoal saude sira, labele baruk atu atende ema moras basa profisaun mak  atu salva ema nia vida, buka atu halo relasaun diak ho ema neebe moras basa sira moras presija tebes tulun. Tanba relasaun diak no hamnasa mak hanesan ai moruk ida, hodi kura sira nia moras antes sira hemu ai moru,” hateten Renato.

Nunee ba joven neebe seidauk hetan oportunidade atu servi estadu no nasaun, keta lakon esperansa tanba oportunidade sei barak. Nee duni prepara kapasidade liu liu iha area tekniko, hodi bele kompte ho joven sira seluk tanba agora moris ho era digitalisasi katak buat hotu liu husi media tanba tinan 5 no 10 mai tan mundo nee oin seluk liu liu nasaun Timor Leste. Joven mak sai hanesan fini, estuda didiak atu dezenvolve rai doben lafaek sai rai doben neebe moris iha paz no hakmatek nia laran. Madalena Horta/Terezinha de Deus

Facebook Comments

Leave a Reply

Your email address will not be published. Required fields are marked *