Remodela Hili Ema Apropriadu

Remodela Hili Ema Apropriadu

- in Politics
57
0
220px-2019-07-26_Oscar_Lima

DILI-Bainhira akontese remodelasaun ba membru governu da-8, Setor Privadu husu  hili ema apropriadu, atu nunee bele  halao dezenvolvimentu ba povu.

Kestaun nee hatoo husi Prezidente CCI-TL, Oscar Lima ba STL, iha nia knaar fatin, CCI-TL Akait, Dili, Kuarta (20/11/2019).

 Hau hanoin koalia ba remodelasaun nee asuntu politiku ami labele kahur, maibe ami hein katak iha remodela nee bele hili ema apropriadu nunee bele halao dezenvolvimentu ba ita nia povu,hatete Oscar.

Nia dehan, nudar setor privadu lamete ba sira nia remodelasaun nee, tanba nee desizaun AMP, liu-liu Primeiru Ministru nia desizaun.

Atu remodela si A, B, ka C nee ita labele kahur sasan, hanesan dosi ruma karik husik sira mak koa, ita labele ba koa fali sira nia dose nee,tenik Oscar.

Tuir nia, hanesan setor privdu no hanesan Prezidente CCI-TL husu nafatin atu AMP liu-liu PM, inklui lideransa sira haree kestaun nee hodi labele afeta ba dezenvolvimentu rai laran.

Nunee mos Xefe Bankada CNRT Duarte Nunes hatete, iha komferensia, sira konkorda, atu nunee serbisu lao diak liu, hodi halao dezenvolvimentu ba povu.

Nia dehan, remodela nee AMP haree ba dezempenu  ba kada ministru sira no sekterariu sira iha ministeriu neebe mak sira tutela ba,  maibe nee desizaun iha  partidu 3 hanesan CNRT, PLP no KHUNTO neebe forma AMP, atu nunee bele haree sira nia ema remodela kalae.

Antes nee Deputadu Sabino Guntur husi bankada PLP hatutan, atu hakotu impase politika iha rai laran, dalan diak halo remodela hodi ukun hamutuk, no husik ba sosiedade Sivil no povu maka sai opozisaun.

Entretantu Primeiru Ministru Taur Matan Ruak hatete, remodelasaun atu akontese ka lae nee opiniaun ema hotu nian, maibe remodelasaun tenke halo avaliasaun.

Ida nee ema hotu nia opinaun, maibe remodelasaun tenke halo avaliasaun, tanba nee mak hau seidauk koalia kona ida nee,katak Xefe Governu. Guilhermina Franco/ Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *