Rekursu Projetu Suai Suplay Base Sei Pendenti

Rekursu Projetu Suai Suplay Base Sei Pendenti

- in Nasional
325
0
Guilerminu da Silva

DILI – Rekursu neebe mak governu hatama ba Tribunal Rekursu (TR) hodi kontra desizaun tribunal de kontas ho TR, neebe la fo vistu ba Projetu Suai Suplay Base, too agora sei pendenti hela iha TR, tanba juis laiha atu kaer prosesu refere.

Prezidenti TR Guilermino da Silva haktuir, projetu Suai suplay base neebe uluk governu hatama mai tribunal de kontas hodi fo ba kompania Hyundai mak kaer, nee tribunal de kontas hamutuk ho TR rezeita la fo vistu ba projetu nee.

Governu halo rekursu mai TR hodi kontra desizaun TR ho tribunal de kontas, sei pendenti hela, tanba iha TR juis ami nain tolu deit mak antes nee kaer prosesu Suai suplay base hodi la fo vistu. Tanba nee ami nain tolu labele kaer tan ona rekursu governu nian nee, maibe tenki juis foun fali. Oras nee dadaun juis foun seidauk iha,’’ dehan Guilhermino ba jornalista sira iha TR Caicoli.

Nia hatutan, too agora sira seidauk iha planu atu rekruta juis foun mai iha TR hodi reforsa sira, tanba nee mak nia lahatene prosesu rekursu governu nian ba projetu Suai suplay base nee atu pendenti too bainhira.

Maske nunee nia espera sira sei halo planu lalais hodi rekruta tan juis foun, nune’ bele kaer prosesu rekursu governu nian neebe kontra desizaun husi TR ho tribunal de kontas. Informasaun kompletu iha STL Jornal no STL Web, edisaun Sesta (7/10/2016). Domingas Gomes

Facebook Comments

Leave a Reply

Your email address will not be published. Required fields are marked *