Rekrutamentu F-FDTL Ba Sidadaun Hotu

Rekrutamentu F-FDTL Ba Sidadaun Hotu

- in Politics
146
0
c73a1f6efcf3eb175338b9199647979c_XL

DILI– Ministru Defeza no Ministru Interior Interinu Filomeno Paixão deklara katak, sistema rekrutamentu ba membru F-FDTL  foun hamutuk 600 nee  ba Timor oan hotu.

Nia dehan, antes nee Xefe Estadu Maior Jeneral F-FDTL, Maijor Lere Anan Timur ,Vise Xefe Estadu Maior, Jeneral das F-FDTL Falur Rate Laek nomos Xefe Estadu Maior , Tanente  Coronel Coliati mos kolia ona kona ba kritria rekrutamentu nee.

Agora ministru defeza kolia hanesan nee, tuir lei Timor oan hotuhotu bele, sidaun Timorense hot hotu tenki tuir. Tan nee buat neebe sira kolia nee hanesan preokupasaoens, imi hakrak ema sira baku malu kalan kalan oho malu neee tama hotu ba militar,dehan Ministru nee  ba jornalista sira, iha Kuartel Jeneral F-FDTL Fatuhada, Dili, Sesta, (22/11/2019).

Tanba nee governante nee dehan, tenke iha kriteria nunee bele hare ema sira  neebe iha integridade  no nunka involve iha problema ruma, to tama iha Tribunal ida nee mak intensaun.

Nia hatete, veteranus falsu iha duni. Maibe prosesu rekrutamentu sei hare hotu ba buat neebe legal no transparente, tanba nee iha prosesu rekrutamentu ba membru F-FDTL nee sei rigor liu.

Iha parte ketak Kordenador Peskija FM, Chanço Xavier hatete, kriteriu sira neebe fo sai nee fo prioridade ba martires no veteranus nian oan sira nee diak, mais dalaruma mos konsideira bele mosu mos diskriminasaun ba sidadaun babain sira.

Tanba tuir nia katak, Timor oan hotu iha direitu atu asesu  hodi sai membru F-FDTL  no PNTL, tanba konstituisaun RDTL mos fo dalan katak laiha tratamentu diskriminasaun ba sidadaun Timoroan sira.

Nia hatete, iha kriteria balun neebe fo sai katak fo perioridade ba veteranus nian oan, no tenke hetan karta deklarasaun veteranus iha munisipiu sira, maibe durante nee problema veteranus falsu sedauk resolve.

Agora iha kriteria mos koalia kona ba deklarasaun hosi Xefe Suku, hau hanoin ida nee posibilidade bele mos hamosu familiarismo ka nepotismo iha rekrutamentu ida nee,deklara Chanco.

Chanco mos konsideira autoridade lokal sira balun mos dalaruma la tau interese komun, maibe barak liu haree ba partidu sira, entaun posibilidade ema sira nee hetan deklarasaun nee dalaruma mos bele mai hosi Nepotismo no familiarismu.

Kriteriu ida nee diak, mais oinsa mak atu bele implementa no bele kontrola kestau nee, tanba problema veteranus mos sedauk organiza diak, agora oinsa mak ema ida bele hetan deklarasaun hosi Komisaun veteranu munisipiu sira katak nia nee veteran nia oan,nia kestiona.

Entretantu Koordenador Media Observador Nasional Eleisaun Timor Leste Ronetil, Laurentino Alves  liu husi via telefone hatete, sira nia preokupasaun ba rektrutamentu ba membru foun Falintil Forsa Defeza Timor Leste, tenke tau prioridade ba Timor oan hotu neebe hakarak kompete iha rekrutamentu nee.

Hau hanoin importante liu mak tau prioridade hanesan ba ema hotu –hotu, joven hotu iha oportunidade neebe hanesan, nia kestaun tekniku  oinsa mak asegura importansia,dehan Laurentino.

  Nia sujere diak liu governu liu husi Minesteriu Defeza  no Instituisaun F-FDTL bele fo importansia prioridade liu husi rekezitus ba ema hotu, liu liu ba joven sira neebe hanesan jerasaun futuru nasaun nian. ESTI-01

Komentariu

Facebook Comments

Leave a Reply

Your email address will not be published. Required fields are marked *