Rejiaun 4 Estabelese Klinika Ba Justisa

Rejiaun 4 Estabelese Klinika Ba Justisa

- in Distritu
99
0
hospitalnacionalguidovaladaresdoben-615x347

DILI-Atu tulun komunidade bainhira hasoru problema ruma, bele hatoo ba iha instituisaun justisa, defensoria publika estabelese ona Klinika Asesu ba Justisa iha regiaun haat.

Deklarasaun nee hatoo husi Defensor Publiko Sergio Hornai ba jornalista Iha Auditorio Ministeriu da Justisa, Segunda (9/10/2017). “Ita iha regiaun haat estabelese ona. Iha tinan ida nee, ita sei halo alargamentu ba Bobonaro no Ermera. Objetivu alargamentu nee, atu habesik liu tan justisa ba komunidade sira. Ita lakohi halo distansia entre komunidade no instituisaun estadu nian. I lao neneik, ita bele kria instituisaun sira nee ba too iha municipiu,” hateten Sergio.

Ho estabelese klinika asesu justisa nee, bele fo informasaun ba komunidade para hatene. Bainhira sira hasoru problema ruma, sira bele ba hatoo iha instituisaun sira. Ejemplu, hanesan sira iha problema konaba rai, sira atu lori prosesu nee ba iha nebe. Sira tenke ba advogadu no lori problema nee ba tribunal hodi desidi.

Husi klinika justisa neebe estabelese ona nee, sira servisu hamutuk ho UNDP no agensia husi Brazil. Sira estabelese ona klinika asesu jutisa iha fatin rua, liliu iha Bobonaro no Suai. Agora sira komesa servisu ho xefi suku, no administrador sira, para lori justisa besik ba komunidade sira.

Laos haree deit ba justisa formal, maibe iha mos justisa nao formal. Nee presiza halo represivu no halo medida preventive, nomos liu husi kampana dezeminasaun no sosializasaun neebe halao husi agente defensoria, no ofisial justisa sira hamutuk ho lider komunitariu.

Husi fatin seluk, akademika Fakuldade Direito UNTL Marcal Mendonsa hateten, ema neebe moris iha area remota, barak mak hasoru problema maibe,  susar atu hato keiza tanba sira mos seidauk hatene lolos dalan legal ida nee.

Ita nia komunidade barak susar atu hato keiza, hanesan problema rai nian, tanba sira la hatene dalan legal neebe sei lori ba oin. Mas ho klinika justisa neebe estabelese hau hanoin  sai mos hanesan parte ida hodi apoiu komunidade hodi alkansa problema neebe iha lao ba oin,” dehan Mendonsa.

Agora dadaun iha mos planu neebe diak, tanba orgaun justisa sira estabele ona tribunal movel ba iha munisipiu balu, maibe nafatin halo sosializasaun ba komunidade atu bele hato keiza, no lori problema neebe hasoru lao ba oin. Terezinha de Deus

Facebook Comments

Leave a Reply

Your email address will not be published. Required fields are marked *