Regras Tenke Forte Kontrola Estudantes

Regras Tenke Forte Kontrola Estudantes

- in Nasional
45
0

DILI-Regras eskola tenke forte, atu bele kontrola estudante sira neebe uza farda lao tun sae iha dalan publiku.

Preokupasaun nee hatoo husi Direitor Edukasaun Munisipiu Dili, Duarte Braganca, katak, mensajen ba estudante sira, sempre hatoo bebeik, konaba oras neebe prosesu aprendizajen lao hela, maibe estudante sira uza fali farda eskola ninia, lao ba mai iha fatin-fatin.

“Dala ruma estudante sira sai husi uma oetu oras, maibe la hatene inan aman sira la fo atensaun ba asuntu hirak nee, tanba oras eskola nee tama iha tuku ualu, maibe labarik sira sai husi uma nee tuku ualu, too iha eskola oinsa, tanba nee, hau hanoin katak, karik haree ho farda nee lao iha dalan sira neebe la divia, hau hanoin polisia bele haree ona sira, tanba nee oras eskola hela, neebe dala ruma ita sei koalia nafatin ba asuntu hirak nee nafatin, internalmente ami tenke fo mensajen ba direitor eskola sira, tenke halo regras neebe makaas, maibe regras eskola, iha hotu ona, maibe ladun implementa maximu, iha eskola ida-idak nian,”dehan Duarte ba STL hafoin partisipa seminariu iha salaun INFORDEPE Balide Dili Segunda (22/04/2019).

Nia hatete, regras eskola ninia, liga ho estudante sira, tama eskola atrazu nee oinsa, tanba eskola hotu-hotu iha ninia regras, bainhira estudante sira tama tarde eskola, sansaun tenke aplika halo didiak, ida nee mak halo servisu hamutuk entre direitor eskola ho professor hotu.

“Dala ruma ita ladun preokupa ho ida nee, maibe presiza mos servisu hamutuk inan aman ho eskola, liu-liu direitor eskola no professor sira, tenke iha liafuan ida deit, selae regras sira nee, ninia rezultadu implementasaun nee laiha, ida nee mak importante, lider eskola mak tenke akomula ideas hotu, neebe mak iha,”katak nia. Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *