Regina De Sousa

Regina De Sousa

- in Perfil
1478
0
Profil Regina

REGINA De Sousa laos foun ba povu Baucau, liliu povu iha Postu Administrativa Venilale. Iha tinan 2001 nia sai ona Administradora iha Postu Administrativa Venilale. Regina de Sousa neebe baibain bolu Gina, moris iha Munisipiu Baucau, Postu Administrativa Venilale, 10 Juhu 1971. Aifuan domin husi Mateus Guterres no Matilda Guterres. Moris husi familia simples ho fiar ba relijiaun katolika.

Nia oan ba dala ikus (Anak bungsu) husi maun alin nain 6 kompostu husi feto 4 mane 2.  Gina forma ona uma kain ho Nelson Dos Santos Batista. Rezultadu husi kazamentu, sira iha ona nain 5 (feto 1 no mane 4) maibe feto fila ba Aman Maromak nia kadunan santu, hela mane 4. Agora dadaun, Gina servisu iha Administrasaun Municipal Baucau hanesan funsionario publiku nomos sai hanesan presidenti Asosiasaun Feto Hadomi Baucau Ba Dezenvolvimentu (AFEHADAD).

Hahu eskola Primaria iha Venilale (1980-1986), eskola Pre-Sekundaria (SMPN Venilale) husi 1986-1989. Hela iha Asrama Orfonatu. Remata husi SMP Negri Venilale, Gina kontinua iha SMA Hati Kudus  Jesus Dili (1989- 1992). Iha SMA Hati Kudus Jesus, nia hela iha Asrama Madre PRR sira nian neebe besik iha sira nia eskola. Remata husi nee, kontinua estudu iha Universidade Widya Madira Kupang (1992-1996) foti Jurusan Ilmu Pemerintahan hanesan FISIPOL. Hotu tiha nia kontinua eskola mastrada nian (S-2) iha Universidade Teknolojia Surabaya (2011) foti Manajemen Pemerintahan Daerah.

Antes sai Presidenti AFEHADAD nomos funsionariu publiku iha Municipal, mia sai Administradora iha Posto Administrativu Venillale iha tinan 2001. Depois husik kargu  administradora, fila fali ba servisu nuudar Official Governu Local Venilale no remata tiha iha 2007. Depois kontinua sai hanesan seksaun ekonomia 2008 asume knaar mos hanesan gender nomos pokal point ba dezastre naturais.

Eis administradora Baucau Villa nee, agora servisu iha Administrasaun Municipal Baucau hanesan funsionariu publiku nomos sai hanesan Presidenti AFEHADAD.

Hau hahu servisu nuudar funsionariu publiku hahu iha 2001, tempu UNTAET ho pozisaun nuudar Koordenador do Posto iha Venilale. Hahu halao knaar nee difikuldade oin-oin. Iha premeiru governu-Fretilin mak ukun, maka troka hau sai fali official governu lokal iha Venilale. Iha 2007 hau fila fali mai  iha Munisipiu Baucau servisu hanesan seksaun ekonomia too iha 2008, no assume knaar mos hanesan fokal point gender nomos fokal point ba dezastre naturais nuudar voluntario deit laiha salario,” dehan Gina.

Nia hateten, nuudar timor oan tenki aprende barak atu nunee bele kontribui ba iha dezenvolvimentu rai laran nian hateten maske iha voluntario laiha osan maibe nia fo ann hodi kontribui ikus hetan fiar husi ministru sai nuudar Administradora Baucau Villa.

Hanesan timor oan ita hakarak aprende barak hodi kontribui ba rai ida nee, liu husi voluntario nee atu aprende barak liu tan. Iha 2008 nia klaran, ministro fo fiar ba hau sai nuudar xefi departamentu ba ekonomia iha fulan balun nian laran ministro numea hau nudar Administrador Municipicio Baucau Villa hahu iha 2009 iha fulan Julio nia laran too iha 2016 abril maka iha mudansa ambiente troka fali hau no agora dadaun servisu fali parte finansa iha Munisipio Baucau nian nomos sai hanesan Presidenti AFEHADAD,” katak nia.

Tuir nia, servisu neebe maka oras nee dadaun halo maka hanesan finansa iha administrasaun iha Municipio Baucau, nomos sai hanesan Presidenti AFEHABAD oinsa fo kapasitasaun ba feto maluk sira atu partisipa iha kualker aktividade no oinsa maka fo formasaun ba feto sira atu kandidata ann ba iha xefi suku, xefi aldeia, nomos ba kandidata ann iha parlamentu nasional.

Feto bonita nee hateten husi prosesu estudu nomos prosesu servisu neebe iha maske iha dezafio oin-oin maibe nian esporsu ann nafatin ho pasensia hodi aprende hakat ba oin hodi kontribui ba dezenvolvimentu rai doben Timor Leste.

Durante ita hahu estudu nomos hetan tiha servisu dezafio ita sempre hasoru iha ita nian moris liu husi dezefio hirak nee bele hafanu ita no halo ita forsa nafatin hodi luta ba oin, esperensia neebe maka hau hetan durante nee dezafio barak maibe koko lao ba oin nafatin, maske hetan ona oportunidade iha parte balun laos ita para ona estuda nee lae maibe estuda kontinua nafatin, agora dadaun hau servisu finansa iha administrasaun dezafio sempre iha tanba hau bakraun laos finansa maibe hau koko aprende no hetan treinamentu husi parte oin-oin hau bele halao knaar hanesan finansa, nomos nuudar presidenti afehabad dezafio barak maka imfrenta maibe koko lao ba oin nafatin hodi koalia konaba feto nian direitu no fo formasaun ba feto sira atu nunee feto mos iha kapasidade no koinesementu hodi bele kontribui ba dezenvolvimentu,” tenik nian.

Liu husi dezafio neebe maka iha dala barak ema mesak halo buat hotu halai ba mai maibe wainhira ita maka pasensia no obdese hasoru problema neebe iha nee ho oin midar no simu problema no atende ho oin midar maka husi dezafio neebe maka ita hetan sai valor boot ba ita no aumenta esperensia diak liu tan hodi kontribui ba dezenvolvimentu rai laran.

“Hau nia lia menon liu-liu ba feto maluk sira no mos ba komunidade liu-liu ba foin sae sira mos, ita moris iha mundu nasaun foun ita persija aprende barak atu nunee ita bele fo kontribuisaun ba ita nia nasaun no ita nia povu se ita lakohi aprende saida maka ita kontribui ba ita nia nasaun no ita nia povu,” hatete nia. Emerenciana Pinto

Facebook Comments

Leave a Reply

Your email address will not be published. Required fields are marked *