Reforma MP Suspensaun Prokurador 7, Hein Desizaun TR

Reforma MP Suspensaun Prokurador 7, Hein Desizaun TR

- in Nasional
399
0
tr

DILI – Prokurador nain 7 neebe hetan suspensaun, iha ona desizaun husi Tribunal Rekursu, maibe desizaun nee fo sai, konselhu superior majistradu Ministeriu Publiku hatama fila fali rekerimentu reforma ida ba Tribunal Rekursu.

Deklarasaun nee, fo sai husi Advogado Privado Jose Guterres ba Jornalista sira iha nia knar fatin Bairros Dos Grilhos Kinta, (11/01/2018).

Iha duni desizaun tribunal rekursu sobre rekursu neebe prokurador nain 7 halo, sobre deliberasaun neebe hasai husi konselhu superior Ministeriu Publiku, desizaun nee tun tiha ona maibe, Konselhu Superior hatama fila fali rekerimentu ida ba Tribunal Rekursu hosi husu reforma,” dehan Jose.

Nunee, bainhira reforma antes ida nee, tribunal rekursu mos notifika ona sira nudar mandatariu prokurador nain 7 nian, sobre reforma neebe konselu superior hatama. No hatoo ona resposta ba iha rekerimentu reforma desizaun tribunal rekursu nian, agora hein deit maka tribunal rekursu hatun desizaun sobre ida nee.

Salienta tan, nudar advogadu husi prokurador 7 konsidera suspensaun nee la rajuavel, tanba nee sira sei hatame rekursu deliberasaun konselhu superior Ministeriu Publiku Nian, la rajuavel tanba viola sira nia direitu, deliberasaun nee suspende sira durante fulan 6 la simu salariu.

Tuir informasaun neebe STL hetan iha terenu katak, karta rekerimentu reforma neebe haruka husi konselhu majistradu Ministeriu Publiku ba iha tribunal rekursu, ho numeru prosesu 21/sivil/kontesiojo, 2017/TL, iha loron 20/12/2017. Terezinha De Deus

Facebook Comments

Leave a Reply

Your email address will not be published. Required fields are marked *