Redus Importasaun Agrikultores Tenke Badinas

Redus Importasaun Agrikultores Tenke Badinas

- in Economics
109
0
Fini

DILI-Atu redus importasaun fos husi rai liur mai TL maka, agrikultores iha baze tenke serbisu badinas diak liu tan, ho nunee bele hasae produsaun agrikula iha rai laran.

Kestaun nee fo sai husi Diretur Jeral MCIA, Virgilio dos Santos ba STL, Sesta (06/10/2017) iha Aeroportu Internasional Prezidente Nicolau Lobato Dili.

Hau hanoin atu redus importasaun fos mai husi rai liur maka, Ministeriu relevante tenke koopera hamutuk ho Agrikultor sira, iha baze atu bele hasae produsaun agrikula, tanba realidade neebe lao iha rai maka, atividade komersial sira nee kuaze domina tebes ho fos importasaun, tan nee ba oin ita buka atu halo redusaun,”dehan Diretur Jeral MCIA, Virgilio dos Santos.

Nia mos informa liu tan katak, agrikultor sira tenke servisu makas liu tan tanba, Ministeriu iha Centru lojistiku neebe iha, atu sosa produsaun rai laran hodi tau hanesan rezerva deit hodi bele asegura seguransa aliametar iha rai laran.  Tanba nee foin dadauk sosa ona povu nia produtu lokal iha Munisipiu sira liu liu fos, no agora merenda eskolar hahu han fos rai.

Iha parte seluk reprezentante povu iha uma fukun Parlamentu Nasional, Deputadu Domingos de Carvalho hatutan, governu dehan tau importansia ba produtu rai laran maibe, realidade neebe akontese iha merkadu rai laran, sei domina ho fos importasaun.

Ita haree fos importasaun maka nakonu hela iha armajen governu nian, no merkadu tradisional sira nee sei domina fos importasaun, signifika katak ita sei depende ba importasaun rai liut,”informa nia.

Tuir observasaun STL nian iha treinu katak, fos neebe faan iha  Super market no Mini market, inlkui Merkadu tradisiona sira nee sei domina fos importasaun no produtu rai laran liu liu fos lokal kuaze  la faan iha merkadu Tradisional. Madalena Horta

Facebook Comments

Leave a Reply

Your email address will not be published. Required fields are marked *