Purada Bebeik Fen, MP Amesa Pena Prizaun

Purada Bebeik Fen, MP Amesa Pena Prizaun

- in Krime
309
0
Deskonfia

DILI- Tribunal Distrital Dili iha loron Tersa 12/12/2017 julga arguidu ho naran inisial MC, tanba halo agresaun hasoru nia fen lezada CGL.

Tuir akuzasaun neebe tribunal lee sai husi Ministeriu Publiku katak, arguidu ho lezada forma uma kain iha tinan 2012 no iha oan nai ida. Durante sira moris hamutuk arguidu baku bebeik lezada, maibe lezada foin primera vez keiza kontra arguidu.

Iha data neebe la apuradu, maibe iha fulan Fevereiru 2017, maizumenus tuku 15:00, iha sira nia uma lokalizada iha Taibesi Has Laran, lezada husu arguidu tanba deskonfia arguidu halo amante ho feto seluk, maibe arguidu nega buka kestaun oin oin hodi taka ba lezada konaba kestaun amante refere.

Nunee lezada mos komesa lao ses an husi arguidu, maibe arguidu la satisfaz ho lezada nia maneira refere hodi foti tudik ida lao ba mai atu sona lezada, tanba nee lezada nia bin maka hadau tiha tudik husi arguidu nia liman.

Arguidu halo hahalok nee, ho forma neebe livre, deliberada no ho konsientemente, hatene katak basa no buti iha ema seluk ninia integridade fiziku, nudar hahalok neebe hamoras iha ema nia isin, no bele halo lezada hetan moras.

Ministeriu Publiku akuza arguidu MC hanesan autor material ho forma konsumadu, hodi pratika krime violensia domestika ho forma ofensa ba integridade fisika simples neebe previstu no punidu tuir artigu 145 kodigu penal, no lei kontra violensia domestika no 07/2010. Terezinha De Deus

Facebook Comments

Leave a Reply

Your email address will not be published. Required fields are marked *