PTR Relata Kondisaun Infraestrutura Tribunal Ba Governu

PTR Relata Kondisaun Infraestrutura Tribunal Ba Governu

- in Nasional
118
0
JUSTICA e KRIME

DILI- Haree ba  kondisaun infraestrutura  iha  seitor Justiza  neebe  laiha ona kondisaun, tanba nee Prezidente Tribunal Rekursu, Deolindo Dos Santos husu ba Xefe governu Taur Matan Ruak oinsa iha futuru governu tau matan.

Ita presiza prepara rekursu umanus, nunee mos tenke prepara infraestrutua, tanba hanesan ita boot sira    hatene ami sempre kolia iha publiku katak kondisaun servisu tribunal nian, iha fatin balun neebe lakondis ona, servisu ho diak hanesan tribunal Dili nee laiha kondisaun ona, rai nakdoko ruma ida nee bele fo risku, tanba nee maka hau fo hatene ba Primeiru Ministru atu haree,” dehan Prezidente Tribunal Rekursu, Deolindo Dos Santos ba jornalista iha Palasiu Governu, Tersa (11/09/2018).

Nia hatutan, enkontru ho Xefe governu aborda kestaun rua importante hanesan OJE 2019 ba Tribunal, no kestaun daruak nian maka  koalia kona ba infraestrutura Tribunal nian.

Liu husi enkontru nee nia mos konvida Xefe Governu Taur Matan Ruak atu partisipa iha Asembleia Jeral dos  Tribunal das Contas  CPLP  neebe maka  sei halao iha loron 28 fulan Setembru  tinan nee, neebe maka Timor Leste sai uma nain ba eventu ida nee. Notisia kompletu lee iha jornal STL edisaun Kinta (13/09/2018). Natalino Costa

Facebook Comments

Leave a Reply

Your email address will not be published. Required fields are marked *