PSACLN Desimina Lei No.12/2016

PSACLN Desimina Lei No.12/2016

- in Economics
2415
0
13159977_bYJzN

DILI – Diretor Jeral Protesaun Sosial dus Asuntus Combatentes da Libertasaun Nasional (PSACLN) dezimina informasaun konanaba lei No 12/2016, loron 14 Novembru konaba rejimi kontributivu seguransa soaial ba Ministeriu Agrikultura i Peskas (MAP).

Lei rejimi kontributivu seguransa sosial lei neebe mak hatur no estabele ona ho estudu neebe klean tebes. Ita halao iha tinan hirak nia laran, komesa iha tinan 2008 too iha 2016, ita nia akipa de trabaillu kompostu husi ministeriu hotu-hotu nebe diskuti konaba diretus no deveres konaba seguransa sosial nebe iha konstituisaun RDTL artigu 56 pontu 2 katak estadu iha obrigasaun atu halo estabelese servisu seguransa  sosial ba sidadaun hotu inklui ita nia funsionarius publiku hotu nomos Emprezariu no Setor Privadu  sira iha teritoriu Nasioanal Timor laran tomak nebe bele fo benefisiu mai ita” dehan Eugenio João Amado de Maria Soares ba jornalista Tersa (11/7/2017) iha MAP Comoro Dili.

Nia hateten lei ida nee fo benefisia boot ba ema hotu, para aban bainrua, ho idade nebe mak reforma pelumenus idade 70 ba leten bele simu ninia pensaun rasik, ida nee hanesan lei seguransa sosial nebe iha mundu hotu iha, agora iha nasaun Timor Leste liu husi Ministerio Solidariedade Sosial (MSS) foin mak komesa estudu komparativu.

Lei ida nee, iha nasaun barak hanesan Brazil, Portugal, Comunidade dos Paizes da Lingua Portugeisa (CPLP) inklui mos iha reziaun Asia ninian, atu hare oinsa bele hetan formula ida nebe diak para Timor Leste mos bele halo seguransa rasik.

Lei seguransa ida nee, halo sistema uniku, ita hatur ba iha funsaun publika setor publiku, setor privadu sira nebe enprega traballador sira atu ba servisu iha enpreza sira hanesan Funsaun Fublika ita servisu ba patraun ida, traballador ida mos servisu ba iha inpreza nee hanesan patraun,” tenik nia.

Iha fatin seluk Diretora Nasional Seguransa Sosial, Aida Maria Soares Mota iha nia knar fatin MSS Caicoli hateten, iha fulan Novembru tinan 2016 Parlamentu Nasional (PN) aprova ona lei nebe mak alina entre ita nia direitu no deveres, lei nee rejimi kontributivu seguransa soasial.

Nia dehan, lei ida nee atu proteze traballador sira hotu, nebe traballadores ho enpregadores sei rai hamutuk osan tuir lei 10% tau hamutuk atu proteze traballadores hotu hasoru risku sosiais nebe sei hasoru.

Oras nee dadaun wainhira iha maternidadi ka paternidadi, enpreza mak selu maibe apartir lei nee vigora ona iha dia 1 de Agostu, tinan ida nee komesa hahu ona, seguransa sosial mak selu, ida nee mos parte ida hakmaan ona empregadores sira.

Nia hateten iha dia 1 de Agosto ba leten kompania nebe mak iha traballador 100 ba leten, tenke ba rejistu iha Ministeriu Solidaridadi Sosial (MSS) tau hamutuk naran nia traballador sira, para bele hatene emprezariu nee iha ema nai hira mak servisu iha empreza refere ho nia salariu hira kada ema ida, entaun ninia salariu sei ko’a 4% husi trabailaidor no 6% ko’a husi empregadora sei rai.

Wain hira halo lisensa paternidadi, ita boot iha direitu ba seguransa sosial. kuandu kumpri ona prazu previstu iha lei nee maibe, sekarik iha dia 1 too 31 mak sira la ba rejista, depois inspektor de trabaillu sira sei ba hare, see maka seidauk rejista, ita iha dadus konaba empreza nebe mak fo iha traballador 100 ba laten, sei verifika lista sira nee, sira nebe mak la kumpre regra ida nee, sei lori ba Tribunal,” dehan nia.

Nia hateten, empreza neebe mak ninia traballador la too 100 mos bele mai rejista hakarak rajista agora mos diak liutan tanba bele proteze ninia traballador sira.

“Estadu obriga ita halo popansa rai ita nia osan uituan ba ita nia an rasik wain hira ita mate, duke empreja fo osan fulan tolu deit, ita nia familia monu ba mukit tanba osan fulan tolu ita gasta hotu-hotu ona, maibe seguransa sosial atu proteze katak wainhira kumpri ona, garantia fo subsidiu mate nian, sei fo tan pensaun sobrevibensia ba ita nia familia para ita nia fen oan sira labele monu ba mukit tanba sira sei moris, liu-liu ba ita nia oan sira nebe mak sei eskola. EST6

Facebook Comments

Leave a Reply

Your email address will not be published. Required fields are marked *