Prosesu Ukun Aan, Feto Nia Valor Aas Liu Mane

Prosesu Ukun Aan, Feto Nia Valor Aas Liu Mane

- in Metro
107
0
Kultura

DILI-Partisipasaun feto iha prosesu ukun aan nee, feto nia valor aas liu mane.

Tuir xefi  suku Bairo-Pite Joao Batista da Costa Belo hatete, haree ba iha partisipasaun feto nian iha prosesu ukun rasik aan nee, bele dehan nia valor aas liu mane.

Ita hare iha tempu uluk tinan 1974-1975 nian feto labele partisipa masimu so mane deit maka bele partisipa, maibe agora iha fali prosesu ukun aan nee, bele dehan feto nia valor nee kuaje aas liu fali mane,”dehan Xefi Joao ba STL, iha Sede Suku Bairo-Pite Dili, Tersa,(16/05/2017).

Nia hatutan, hanesan iha tinan sanulu resin lima (15) nee partisipsaun feto nian iha TL, haree lao diak no kapas, liu-liu iha suku Bairo-Pite, tanba feto mos iha direitu hanesan mos sidadaun ida.

Hanesan konsagra ona iha ita nia rain katak feto mos iha direitu hanesan ho mane, laos hanesan uluk iha tempu colonial nee nian feto sira laiha direitu so mane deit maka iha direitu,” tenik nia.

Nia akrasenta tan katak, uluk mane mak iha direitu para atu koalia feto laiha direitu atu koalia. Maibe ohin loron ukun aan bainhira nai ulun sira tur hamutuk, hodi lori timor ba ukun aan ka ba nasaun ida neebe indenpendenti.

Entaun iha momentu neeba kedas konsagra katak, feto mos iha direitu hanesan sidadun ida ba iha nasaun TL. Tanba nee partisipasaun feto hanesan agora dadaun nee iha vida politika mos komesa iha feto barak mak partisipa.

Hanesan iha tinan 2009 bainhira halo eleisaun ba lideransa suku, bele dehan feto barak iha intrese tebes atu partisipa ba iha lideransa lokal nian, maibe iha 2009 nee numeru feto sei oitoan kompara agora.

Iha eleisaun foin lalais nee bele dehan feto barak konkore ba iha xefi aldeia, hanesan iha suku Bairo-Pite nee aldeia hat (4) maioria feto mak ukun.

Iha tinan nee bele dehan partisipasaun feto ba iha lideransa lokal nian bele dehan feto mos iha, laos dehan feto sai hanesan xefi aldeia deit maibee iha feto balun maka sai hanesan xefi suku. Tanba nee valor feto nee bele dehan laos tun maibe, ninia valor nee sempre aas liu mane sira, esplika xefi suku nee. Sonia Ferreira/Joao Fatima

Facebook Comments

Leave a Reply

Your email address will not be published. Required fields are marked *