Promove­-Proteze Direitus Umanus, TL Aprezenta Defisiensia-Grupu Vuneravel Iha Enkontru SEANF

Promove­-Proteze Direitus Umanus, TL Aprezenta Defisiensia-Grupu Vuneravel Iha Enkontru SEANF

- in Nasional
41
0
Independensia

DILI– Timor-Leste (TL) sai nain  ba enkontru South East Asia National Human Rights institutions Forum (SEANF), atu servisu hamutuk entre nasaun 6, halo promosaun no protesaun ba direitus umanus, iha enkontru TL aprezenta defisiente no dezenvolvimentu grupu vuneravel.

Tuir Jesuina Maria Pereira Gomes Providoria Direitus Umanus (PDHJ) hatete, ohin loron primeiru ba enkontru  South East Asia National Human Rights institutions Forum (SEANF) nee hanesan Sub-Rejional ida  i hanesan mekanizmu forum neebe kompostu husi instituisaun direitus umanus husi nasaun 6. Iha enkontru 2019 nee Timor-Leste sai hanesan uma nain  iha SEANF, i Timor-Leste tenke organiza teknikal working group neebe primeiru halao agora, segundu sei halao iha Jullu, no annual meeting sei halao iha Outubru.

Ohin  enkontru nee halao husi partisipantes sira husi nasaun 6, i rede  ba SEANF nia objetivu mak  atu servisu hamutuk, halo promosaun no protesaun ba direitus umanus, koalia halo kooperasaun kona ba isu-isu jeral  sira neebe akontese ona iha nasaun hotu hanesan trafiku umanu, korupsaun, direitu ba ekonomia sosial i kultura ba feto, ema ho defisiensia. Neebe  Timor ohin iha enkontru nee iha suntu 2 mak aprezenta  hanesan ema ho defisiensia tanba agora ita halo hela advokasia atu oinsa governu no Parlamentu Timor-Leste nian bele ratifika konvensaun internasional ba ema ho defisiensia i asuntu ida seluk koalia kona ba oinsa progresu no dezenvolvimentu grupu vuneravel sira,” hatete Jesuina ba Jornalista bainhira partisipa iha enkontru Trabalho (Technical Working Group) ba South East Asia National Human Rights institutions Forum (SEANF) iha JL-Vila Ai-Mutin Kuarta (24/04/2019).

Nia haktuir husi nasaun seluk sei koalia kona ba SDG, kona ba imigrasaun , no mos i husi Indonesia sei koalia kona ba oinsa dezenvolvimentu ekonomia iha asean.

Nunee mos Esrom Hamonangan hanesan Komisi Nasional Hak Asasi Manusia Republika Indonesia hatete,  ohin enkontru nee  atu fahe informasaun  ba malu entre nasaun sira kona ba direitus umanus, neebe haree ba esperesia sira oinsa no mos hatoo out put neebe mak sira halo ona tuir ida-idak nia nasaun.

Ida nee importante  ba nasaun sira neebe iha asia tenggara atu bele servisu hamutuk haree ba direitus umanus. Neebe hasoru malu nee diak, i halo rutina, entre nasaun sira  atu nunee bele kooperasaun entre nasaun ida ho nasaun seluk hanesan ema neebe mak lakon nia sidadaun iha nia nasaun, nunee mos refuziadus, ema sira neebe hetan tortura.

Neebe sira husi Indonesia apoiu tebes atividade  hanesan nee tanba iha Indonesia direitus umanus nee importante tebes, no governu mos asegura direitus umanus liu husi regras.

Iha enkontru nee husi nasaun 6, mak hanesan Indonesia, Malaysia, Myanmar, Thailandia, Filipina inklui uma nain Timor-Leste. Guilhermina Franco / Donanciano Magalhaes

Komentariu

Facebook Comments

Leave a Reply

Your email address will not be published. Required fields are marked *