Prokuradores CPLP Enfaze Pontu 5

Prokuradores CPLP Enfaze Pontu 5

- in Politics
1437
0
PJR_Jose Ximenes

DILI – Reuniaun prokuradores gerais CPLP realiza tiha ona iha loron 25 too 27 fulan Outubru liu ba, relata sobre pontu importante lima iha enkontru XV.

Deklarasaun nee, fo sai husi Prokurador Jeral Da Republika, Jose Da Costa Ximenes ba Jornalista sira liu husi konferensia da imprensa neebe  halao iha Salaun Reuniaun PJR Colmera, Segunda (06/11/2017).

Objetivu prinsipal hanesan kordenaasaun koperasaun juridika Ministeriu Publiku, promove insentiva no dezenvolve relasaun ho membru juridikus no judisiariu, estimula partisipasaun membru no majistradu husi Ministeriu Publiku neebe iha hela atividade formasaun, promove interkambiu esperiensia formasaun, vizibiliza reflesaun konjunta, ba interese komun sistema juridiku no judisiariu,” informa PJR.

Nia hatutan, tema neebe debate tiha ona, mak hanesan Ministeriu Publiku no dezafiu sira globalizasaun nian, no diskute mos tema komplementar rua, investigasaun kriminal, no desterritorializasaun. Tema investigasaun kriminal, deskonsentrasaun kompetensia no diresaun inkeritu, aprezenta husi Angola, Mocambique, Portugal, no Timor.

Tema desterritorializasaun ba atividade kriminoza no problema konaba efetividade koperasaun internasional investigatoria aprezenta husi Cabo Verde no Sao Tome Principe. Iha XV enkontru Prokurador Jeral produs no elabora dokumentus no hola tiha deliberasaun no desizaun neebe importante tebes, ho espesial realsa ba memorandu entendementu entre prokurador jeral sira, no deklarasaun Dili.

Partisipasaun hotu, ho unanimidade afirma katak, organizasaun enkontru ida nee, nudar ezemplar no rezultadu neebe hetan positivu tebes.

“Hau tenke hateten duni katak, aprova tiha mosaun de louvor ida ba organizasaun XV enkontru neebe nudar onra boot ida ba ministeriu publiku Timor Leste nian. Ita iha konfiansa tomak hateten katak, XV enkontru prokurador jeral sira neebe ita hetan responsabilidade atu organiza no kumpri lolos nia objetivu sira,” dehan PJR iha konferensa da imprensa. Terezinha de Deus

Facebook Comments

Leave a Reply

Your email address will not be published. Required fields are marked *