Projetu 143 Seidauk Pagamentu Hotu Setor Privadu Triste

Projetu 143 Seidauk Pagamentu Hotu Setor Privadu Triste

- in Economics, Nasional
778
2
download (35)

DILI-Setor privadu Triste tanba projetu 143  neebe tama ona iha lista pagamentu too agora governu seidauk selu hotu, maske obra sira nee kompana sira finaliza ona kleur ona, maibe foin halo pagamentu ba prozetu balun deit.

 Kestaun nee fo sai husi Prezidente Fundador Camara Comersiu Industria Timor Leste (CCI-TL), Julio Alfaro ba STL,  Tersa (21/01/2020) oha nia knaar fatin Fomento Dili.

Ita Triste projetu 143 too agora governu seidauk halo pagamentu hotu, no foin selu deit balun, triste tebes tanba balun seidauk hetan pagamentu, no osanmentu la pasa iha Parlamentu, Imposivel governu atu selu agora,  tanba agora governu lao deit ho osan doudesimu susar atu halo pagamentu ba projetu sira nee,dehan Prezidente Fundador CCI-TL, Julio Alfaro.

Nia mos afirma liu tan katak, ho osan doudesimu la fasil governu atu halo pagamentu ba projetu sira nee hotu, maibe hakarak ka lakohi governu tenke buka solusaun, oinsa bele halo ona pagamentu, liu liu projetu 143 neebe tama ona iha lista pagamentu, tanba tinan barak nia laran ona setor privadu barak maka hakneak, tanba governu la selu setor privadu nia tusan.

Ita preokupa tanba setor privadu barak maka ninia atividade paradu, tanba sira nia osan barak maka lori halo hotu projetu, no ikus mai governu la selu sei nafatin kria tusan, problema nee akontese tanba projetu 143 nee, barak maka lao iha mandatu Sestu Governu nian, no iha setimu governu labele halo pagamentu tanba sira nia mandatu tinan balun deit no agora oitavo governu lidera tinan rua, la konsege rezolve hotu, tan nee fo mate ba setor privadu, dehan nia.

Fundador CCI-TL nee mos afirma liu tan katak, dala ruma setor privadu sira ezije sira nia Diretu maka, governu hateten tusan sira nee laos governu ida nee maka kria, maibe tusan nee kria husi governu ida uluk ba nee, tanba nee proseu tenke lao neneik, ida nee maka problema neebe durante nee setor privadu sira infrenta.

Iha parte seluk Reitor IOB Augosto da Conceisao hatutan, tinan barak nia laran setor privadu rai laran hasoru hela problema boot ida, problema nee maka obra neebe sira halo finaliza ona iha tinan barak nia laran, too agora seidauk hetan pagamentu hotu husi governu, tanba nee influensia ba sira nia moris.

Ita haree governu ida sae la rezolve problema setor privadu sira nia, no governu ida sae fali mos la rezolve hela, tanba nee setor privadu labele moris sekuandu governu deve hela deit, dehan Reitor nee.

Nia mos afirma liu tan katak,  setor privadu balun, uza osan imprestimu  maka hodi halo projetu, tanba nee ema nia osan kada fulan nia funan kontinua auementa, tan nee setor privadu balun nia sasan hanesan uma no kerata ema hadau hotu, maibe governu kontinua deve setor privadu osan funan laiha, maibe selu liu husi prosesu naruk.

 Nunee mos Prezidente Camara Comersiu Industria Timor Leste, Oscar Lima hatutan, projetu 143 nee balun governu selu ona, maibe balun seidauk selu, no sira neebe seidauk selu nee sei iha hela prosesu verifikasaun nia laran, fiar katak governu sei selu. Madalena Horta/Jacinta Siquera

 

 

Komentariu

Facebook Comments

2 Comments

  1. Crise ida ne’e hahu’u husi PR, nudar ai hun bo’ot, nia temque fo mahaon ba ,ema hotu – hotu no mos fo mahon ba membro governo sira hotu, mai husi partido coligasaun nian, labele iha fali tendencia partidaria.Ja ke nune’e ona, entaun temque foti questaun iha parlamento Nacional liu husi votus iha sesaun plenaria, “forma Governo de Unidade Nacional ou dissolve parlamento i convoca eleisaun antecipada, “hau nia hanoin”. Labele halo terus povo kik sira. Se AMP mana’an fila fali, PR temque reconhece membro governo nain sia gah sanulu ne’e, i caba ho crise, ponto final.

    1. thanks ba idea nee maun

Leave a Reply

Your email address will not be published. Required fields are marked *