Programa Limpesa Sesta Kansela

Programa Limpesa Sesta Kansela

- in Metro
307
0
Foer

DILI-Programa limpesa jeral kada Sesta neebe uluk implementa husi Eis Primeiru Ministru (PM) Xanana Gusmao agora paradu tiha ona.

Hateten Xefe Departementu Saneamentu Munisipiu Dili (SMD) Domingos dos Santos Soriano ba STL iha nia knar fatin Matador Dili, Kuarta (11/10/2017).

Tuir Domingos katak, program limpesa jeral iha Munisipiu Dili laiha ona, tanba husi mandatu Eis Primeiru Ministru (PM) Rui Maria de Araujo kansela tiha ona. Ho rasaun, FunsionariuPubliku (FP) mai atu servisu laos kada Sesta-Sesta halo limpesa jeral, depois komunidade tuur haree fali.

Programa nee agora orienta fali ba postu administrative, tanba Kapital Dili iha postu administrative 4 nia area,  hanesan Postu Administrativa Don Aleixo, Vera-Cruz, Nain Feto ho Cristu-Rei. Nee duni, husi postu administrative ida-idak organisa fali programa limpesa jeral kada Sesta ho membru konselhu suku.

Maske nunee katak, Domingos, tuir informasaun neebe iha agora dadaun husi Postu Adminmistrativa Cristu-Rei mak kada Sesta membru konsellu suku sira halao limpesa jeral.

Husi postu administrative seluk hanesan Don Aleixo, Vera-Cruz, Nain Feto nia seidauk hetan informasaun kona-ba halao limpesa jeral ka lae?

Nunee mois bafali ministeriu husi Ministeriu Saude (MS) ho Ministeriu Obras Publiku Transporte e Komunikasaun (MOP-TK) mak kada Sesta sei halao limpesa jeral, maibe halao iha area edifisiu deit laos ba fatin publiku hanesan uluk.

Eis PM Rui, kansela programa limpesa jeral iha tempu nia simu knar hanesan Permeiru Ministru, iha loron Sesta data nia haluha ona altura nee sira halibur malu iha Suku Bairru-Pite, Eis PM dehan ita lamerese atu halo limpesa jeral.Tanba ita halo limpesa jeral komunidade tur haree deit ita, sira lahola parte limpesa jeral, tanba nee hahu agora para limpesa jeral,” katak Domingos haktuir Eis PM Rui nia lian.

Tuir Administrador Postu Administrativa Cristu-Rei Gaspar da Silva hateten, kada Sesta nia ho membru konsellu suku sira iha Postu Administrativa Cristu-Rei inklui funsionariu husi Sentru Saude Becora halo limpesa jeral.

Programa nee halao bazeia ba rejultadu enkontru neebe ho membru konselhu suku hotu-hotu, tanba sira konkorda halo limpesa jeral tanba nee kada sesta husi Cristu-Rei sempre halao limpesa jeral.

Limpesa jeral hodi hatudu exemplu ba komunidade sira neneik komunidade sira iha konsensia bele partisipa iha limpesa jeral.

Xefe Suku Vidau-Santana Joao Paulo Soares de Anrade hateten, limpesa jeral nee halo rotasi kada Sesta ida iha Suku Vidau-Santana, Sesta seluk ba fali Suku Kuluhun, nunee kada Sesta sempre halo limpesa jeral rotasi. Nunee mos inisiativa nee mai husi Administrador Postu Administrativa Cristu-Rei no membru konsellu suku sira neebe iha Postu Administrativa Cristu-Rei. Augusto da Costa

Facebook Comments

Leave a Reply

Your email address will not be published. Required fields are marked *