Professores Kontratadus 3000 Sei Simu Salariu

Professores Kontratadus 3000 Sei Simu Salariu

- in Edukasaun
667
0
opiniaun-profesor2_dner

DILI – Hahu husi Janeiru too Marsu, professores barak mak seidauk simu salariu, tanba nee tuir planu professores kontradu 3000 resin sei simu salariu iha Marsu nia laran.

Informasaun nee fo sai husi Diretor Jeral husi ME Antoninho Pires hatete, professor kontradu neebe too agora seidauk simu salariu hamutuk tres mil e tal, maibe sei selu sira nia salariu fulan nee nia laran. Konaba mudansa ba salariu, too agora seidauk, tanba nee KFP sei halo tabela, neebe too agora seidauk iha mudansa ruma konaba salariu.

Hau hanoin ita nia professor kontradu hamutuk tres mil e tal neebe mak too agora seidauk simu salariu, maibe ita sei selu sira nia salariu iha fulan ida nee nia  laran, konaba mudansa ba salariu nee, too agora seidauk, tanba KFP mak sei halo tabela, neebe too agora seidauk iha mudansa ruma konaba salariu, tanba atu selu nee buat ketak ida, no mudansa ba salariu nee buat ketak ida,” dehan Antoninho ba jornalista iha nia knar fatin ME Vila-Verde, Dili, Tersa (14/03/2017).

DJ Antoninho sublina, estatutu mak agora primeiru sira neebe prosesu kontratadus, sira neebe tama iha kontradu nee fahe ba iha grupu rua, grupu ida sira neebe diploma akademikau minimu bacharelatu, lisensiadu ou balun mastradu nee kuaze reihun ida resin.

Iha parte seluk, deputadu husi bankada PD Adriano Joao hatete, konaba salariu tarde ba professores kontratadu, ME hamutuk ho Ministeriu Finansas mak hatene, tanba bainhira salariu selu tarde, professor sira nee presiza han hemu, bele prejudika mos ba iha prosesu aprendizajen loron-loron.

“Ita nia professor sira nee presiza han hemu, depois bele prejudika mos ba iha prosesu aprendizajen loron-loron, tanba ita selu sira nia salariu tarde ba sira, tanba sira halao ona sira nia dever loron-loron, oinsa mak sira nia direitu nee ita atu selu sira, hau hanesan povu nian liman ain iha parlamentu, husu ba ita nia ME ho MF atu bele haree kestaun ida nee, para bele selu lalais ita nia professor sira,” dehan nia.Jacinta Sequeira

Facebook Comments

Leave a Reply

Your email address will not be published. Required fields are marked *