Professores 72 Halao Graduasaun

Professores 72 Halao Graduasaun

- in Edukasaun
39
0
opiniaun-profesor2_dner

DILI-Professores hitu nolu resin rua, neebe mak tuir formasaun lian ingles, durante fulan rua nolu resin rua, remata ona sira nia formasaun, hodi bele partisipa iha seremonia graduasaun.

Kestaun nee hatoo husi Prezidente INFORDEPE, Deolindo da Cruz, hatete, realiza seremonia de  graduasaun ba ita nian professor sira, neebe mai husi Munisipiu rua, hanesan Aileu no Ermera, professor sira nee, hanorin iha terseiru siklu no sekundariu.

Ohin nee, ita realiza seremonia de graduasaun ba ita nian professor sira, neebe mai husi Munisipiu rua, hanesan Aileu no Ermera, sira nee tuir formasaun durante fulan 22, hahu iha tinan 2017 too mai iha Outubru 2018, sira tuir formasaun ba iha lian English, neebe mak tuir kontiudu curriclu, lian nee, sai hanesan lian internasional, neebe mak obrigatoriumente ba professor ensinu baziku no sekundariu jeral aprende,” dehan Deolindo ba jornalista iha salaun katedral, Tersa (04/12/2018).

Prezidente INFORDEPE, Deolindo akresenta, atividade nee hetan suporta no apoiu husi governu Australia liu husi akordu ida, entre Ministeriu Edukasaun ho embaixada Australia iha Timor Leste (TL), tanba atividades primeiru nee, iha tinan 2014, termina iha tinan 2016, realiza iha 2017, termina iha 2018.

Nia hatete, professor sira nee, hanorin iha terseiru siklu no sekundariu, programa ba oin, depende ba planu orsamentu neebe iha, tanba sira hatama ona sira nian proposta no planu, maibe depende ba iha orsamentu. Informasaun kompletu iha STL jornal, edisaun Kuarta (05/12/2018). Jacinta Sequeira

Facebook Comments

Leave a Reply

Your email address will not be published. Required fields are marked *