Professor Barak Iha Ensinu Superior La Hatene Portugues

Professor Barak Iha Ensinu Superior La Hatene Portugues

- in Edukasaun
1133
0
opiniaun-profesor2_dner

DILI – Ministeriu Edukasaun (ME), rekoinese professor barak iha ensinu superior la hatene lian portugues, kestaun ida nee, sai hanesan dezafiu boot ida.

Tuir II vise Ministru Edukasaun (ME), Abel Ximenes katak, Professor barak iha ensinu superior la hatene lian portugues, nee hanesan dezafiu boot ida, programa neebe mak diak, ME agora fo ninia apoiu ba institute superior fo kursu lian portugues.

Ministeriu Edukasaun, agora fo nia apoiu ba institute superior fo kursu lian portugues, maibe ida nee presiza tempu, tanba ida nee, laos fo osan hetan kedas rezultadu, maibe sei lori tempu  no prosesu, atu lori professor iha ensinu superior domina lian portugues, depois hanorin lian portugues, tuir hau nian kalklu nee, minimu tenke tinan rua, nee kuandu servisu ida neebe seriu, no iha rekursu, tanba rekursu nee iha oin rua, professor no formador ba hanorin ema, iha osan para selu formador sira, depois sosa material livrus, para parte rua nee hetan rezultadu diak,” dehan Abel ba jornalista iha edifisiu ME Vila-Verde Dili Kuarta  (12/07/2017).

Abel akresenta, iha ensinu sekundariu jeral no tekniku vokasional, kestaun de professores nee sempre numeru 1, tenke hasae kualidade professores, tanba professor barak, balun lisensiadu, bacharelatu, ida rua mastradu, maibe barak mak la domina lian portugues, nee dezafiu boot ida.

Iha parte seluk, Reitor ISC, Sebastiao Perreira hatete, konaba formasaun lian portugues, durante nee dosente husi ISC mos sempre akompana no hola parte iha formasaun neebe mak governu establese ba iha instituisaun ou ensinu superior sira iha rai laran, atu nunee bele eleva kualidade dosente sira ba lian portugues. Jacinta Sequeira/Guilhermina Franco

Facebook Comments

Leave a Reply

Your email address will not be published. Required fields are marked *