Profesores Tenki Lee Barak

Profesores Tenki Lee Barak

- in Distritu
120
0
iniverdadue

BAUCAU-Formadora Nasional husi Ministeiru Edukasaun (ME) husu ba profesores eskola iha area Munisipiu Baucau tenki lee barak no tenki prepara planu lisaun ho diak hodi hanorin alunus sira. Ho nunee alunus sira bele komprende.

Liafuan hirak nee hatoo husi Formadora Nasional Ministeiru Edukasaun (ME) Aurora Assuncao Sarmento Quintao ba jornalista iha Sentru Formasaun Profesores iha Baucau Vilha Nova, Segunda (17/4). Formasaun ida nee ho objetivu atu habelar no konsolida disipilina material matematika ba diretor no adjuntu eskola.

Formasaun nee halao semana ida (17-21 Abril 2017). Remata husi formasaun nee, formador sira espera, profesores sira sei hatutan tan lisaun neebe sira simu, kontinua fahe ba alunus sira iha eskola premeiru ano, segundu, terseiru no kuartu ano. Material sira nee konaba aulas praktika penalojika konaba planu material segundu period ba segundu siklus.

Ba adjuntu no ispektur sira sei hatutan ba profesores sira iha semana oin mai ba profesores kintu no sestu ano ba material segundu period nian. Formasaun kurikulu ba premeiru no segundu sikklu nebe hahu ona iha 2015 liu ba. No premeiru no segundu ano nebe halao ona formasaun hanesan nee iha 2016 iha tinan kotuk.

Terseiru no kuartu ano iha 2017 no ba mos kintu no setemu ano. Agora kintu no sestu ano tama ona ba segundu periodu. No iha fulan Agustu mai sei tama ba terseiru period depois remata ida nee sei konsolida ba eskola sira. Kurikulu ida nee nebe aprova ona husi Konselus Ministrus no promulga husi Prejidente Republika iha fulan Janeiru 2014.

Kurikulu nee ba premeiru no segundu siklu deit ba planu ba klase idak-idak iha husi premeiru to sestu ano. Laos nee deit maibe sei planu tan mata dalan ida ba adjuntu no diretores eskola hotu no formador ba municipal hotu. Depois adjuntu no diretores haklaken ba tan eskola idak-idak.

Atu hanorin diak iha eskola presija profesores hotu tenki lee barak no halo planu lisaun nebe diak. atu nunee alunus sir abele kumprende didiak konaba material sira nebe profesores sira hanorin,”nia kualia dehan tan.

Adjuntu Diretor Eskola Bazika Central Tirilolo Baucau Felis Ximenes dehan mos katak, tuir nia hanoin katak formasaun sira nebe ministeiru edukasaun sira fo oras nee dadauk ho nia objetivu nebe diak teb-tebes. Ida nee atu aijuda tebes profesores idak-idak atu halo planu lisaun nebe diak atu hanorin ba alinus sira atu bele kumprende.

Tuir hau nia hare no hau nia hanoin katak material sira nebe fo husi formadores husi ministeiru edukasaun implementa nee diak teb-tebes. Ida nee aijuda tebes ona profesores sira atu bele implementa ba alunus sira iha eskola idak-idak,”nia kualia.

Xefe Departementu Ensinu Baziku ministeiru edukasaun Munisipiu Baucau Augusto Ornai dehan katak, formasaun ida nee hanesan kontinuasaun ba kurikulu foun ba segundu periode nian ba kintu no sestu ano. Nunee mos ba profsores material matematika sira iha eskola sira iha munisipiu ida nee.

Profestores nebe tuir formasaun ida nee diretor eskola hamutuk eskola 25, eskola katolika ualo no eskola publika 17. Diretor eskola no adjuntu sira hamutuk nain 25 husi eskola 25 nunee mos profesores matematika. Profesores hamutuk 65 husi nomiru nee espektur nain neen. Tuir nia hanoin katak material nee diak atu implementa.

“Fo formasaun ba profesores matematika. Ita iha diretor hamutuk 25, eskola katolika 8, eskola publika 17. Diretor eskola, diretor adjuntu nain 25 husi eskola 25 nian no profesores matematika. Iha 65 espektur eskola nainn 6,”nia esplika. Est-4

Facebook Comments

Leave a Reply

Your email address will not be published. Required fields are marked *