Problema Soe Foer, Presiza Aplika Dikreitu Lei Nu. 33/2008

Problema Soe Foer, Presiza Aplika Dikreitu Lei Nu. 33/2008

- in Metro
1429
0
Sampah

DILI-Komunidade Dili laran barak. Laos Dili rai nain deit mak hela iha Dili, komunidade husi munisipiu 12 mos, barak hela iha Dili. Komunidade mai husi fatin bar-barak nee, kria problema oioin. Problema ida maka konsensia soe foer. Komunidade barak seidauk iha konsensia oinsa soe foer ba fatin lixu. Ema barak gosta soe foer arbiru, latau iha fatin lixu neebe governu prepara tiha ona.

Konaba problema soe foer nee, governu hasai ona Dekrtu Lei Numeru 33/2008 maibe seidauk aplika lolos. Tanba nee Xefe Suku Caicoli, Dili, Hipolito Marques Sarmento husu governu tenke aplika ona dekretu nee ba komunidade. Atu nunee komunidade iha obrigasaun atu soe foer tuir ninia fatin. Labele soe arbiru.

Dala wain, nia dehan, xefe suku sira iha Dili laran, fo bebeik avizu ba ida-idak nia komunidade labele soe foer arbiru. Foer tenke tau hamutuk iha fatin lixu neebe governu prepara tiha ona. Se lae, tau hamutuk iha fatin ida, depois sunu motuk tiha. Maibe komunidade hatan dehan, “husik ba governu iha osan atu selu ema hodi hamos no halo fatin lixu”. Tanba nee, nia sujere ba governu tenke aplika ona Dekrtu Lei Numeru 33/2008, atu nunee komunidade Dili iha obrigasaun atu soe foer tuir ninia fatin, labele soe arbiru, husik lekar namkari iha fat-fatin, hateten Hipolito Marques Sarmento ba STL iha ninia knar fatin, Sede Suku Kaikoli, Kinta (19/10/2017).

Dekretu Lei Numeru 33/2008, Artigu 9 hateten katak, se mak soe foer arbiru no sunu lixu arbiru sei hetan multa. “Lei nee iha tiha, maibe ami koalia deit ibun, ema larona tanba governu seidauk fo poder ba xefe suku sira atu aplika sansaun multa ba ema neebe soe lixu no no sunu lixu arbiru,” hateten Hipolito Marques Sarmento.

Ho preokupasaun nee, nia husu governu aplika ona dekreitu lei nee para fo multa ba komunidade neebe ulun toos. Tuir Artigu 9, se mak soe lixu no sunu lixu arbiru sei selu multa $5.00-$50.00. Ho nunee ema labele soe lixu arbiru no sunu lixu arbiru. Tanba “ita koalia deit komunidade la kompri lei no orden neebe mak iha” tanba nee presiza aplika dikreitu lei neebe mak iha.

Hatan preokupasaun nee Xefi Departementu Saneamentu Munisipiu Dili Domingos dos Santos Soriano mos rekonese katak, Dekreitu lei nee koalia duni konaba se mak soe lixu arbiru no sunu lixu arbiru sei selu multa husi $5.00-$50.00 maibe durante nee governu koalia deit seidauk implementa. Durante nee governu aplika mak orden publiku hodi halo operasaun oho ema nia animal no ema halo uma iha baleta leten, nomos ema faan fali sasan iha trotoar leten, maibe konaba sansaun multa ba ema soe lixu arbiru no sunu lixu arbiru, nee seidauk implementa ou aplika. Tanba nai-ulun balun dehan katak povu sei moris aat hela labele apilika lai sansaun multa ba ema soe foer arbiru.

Durante nee sira sempre halo sosialisasaun no avisu ba komunidade sira atu labele soe lixu arbiru no sunu lixu sira neebe tau tiha ina iha fatin, maibe komunidade sira laiha konsensia, kontinua soe lixu arbiru no sunu lixu sira nee arbiru deit, tanba sunu lixu sira nee fo impaktu ba komunidade nia saude liu-liu ba ema sira neebe hela besik fatin lixu, tanba estraga labrik sira nia paru-paru. Tanba nee nia husu ba komunidade sira iha Dili laran atu labele soe lixu arbiru no sunu lixu arbiru.

 Observasaun iha terenu, hanesan iha Edefisiu STL Corporation nia oin, Osindu, ema soe lixu arbiru deit nomos sunu lixu sira nee arbiru deit, nunee hatudu ambiente neebe ladiak ba sidade Dili, mesmu lei nee bele diak dala sanulu. Maibe komunidade laiha konsensia lei nee sei labale, tanba nee komunidade presiza iha konsensia soe lixu tuir nia fatin labele soe lixu arbiru no sunu lixu arbiru. Augusto da Costa

Komentariu

Facebook Comments

Leave a Reply

Your email address will not be published. Required fields are marked *