Problema Halo LS Matan Ran

Problema Halo LS Matan Ran

- in Notisias Online
50
0
87f31663eb075b743f551142bef5f125_w340_h250_cp

DILI-Tribunal Distrital Dili halao julgamentu ba iha arguidu BX, neebe halo agresaun hasoru lezadu LA no LS.

Tuir faktus katak, iha loron 27 fulan Maiu 2018 iha Mascarinhas, ema halao konsertu ida iha fatin neeba.

Iha momentu neeba akontese problema ida, tanba nee arguidu BX lori nia liman tuku lezadu LS nia kotuk laran, lori liman baku lezadu, ikus mai lori mos kadera baku lezadu. Arguidu mos kontinua lori botir mamuk ida, baku iha arguidu LA nia matan, halo ran sai barak.

Arguidu,ministeriu publiku akuza nia ba iha krime ofensa integridade fisika simples, no krime ofensa integridade fisika grave.

Hatan ba faktus nee, arguidu deklara, faktus balu loos no balu lalos.Hau la baku lezadu LA maibe, hau hare ema toka nia sae ba iha palku hadau mik hodi tolok, nee maka hau ba dudu nia monu tun husi palku, depois ema barak maka baku nia ho kadera, deklara arguidu iha sala julgamentu Kuarta (21/11/2019).

Arguidu deklara, konaba lezadu LS neebe matan ran, nia parte lahatene, tanba ema baku iha estrada ibun.

Iha fatin hanesan lezadu LA deklara, nia hare arguidu BX maka lori kadera baku nia. Lezadu LS deklara, nia la hare arguidu baku nia, maibe derepente deit nia hare nia matan ran.

Hau hakfodak hare ema ida baku hau iha matan laran, hau kaer ba matan ran sai, lori ba iha hospital hau nia matan sorin tenke operasi tau fali matan falsu,dehan lezadu.

Lezadu deklara tan, ema neebe baku nia, nia la hare lori sasan saida maka baku, no nia rasik lahatene ema nee se. Tanba iha kalan, ema baku tiha nia depois ema halai ses tiha. Lezadu deklara, agora dadaun nia matan sorin tenke uja matan falsu, tanba kauza husi ema baku nee.

Rona tiha husi parte sira, tribunal adia ba iha loron seluk hodi kontinua rona sasin sira. Audensia julgamentu nee prezide husi Juiz Koletivu Afonso Carmona, Juiz Antonio Fonseca, Juiz Estajiadu no Ministeriu Publiku reprezenta husi Prokuradora Bemvinda de Araujo no arguidu hetan asistensia legal husi Advogadu Privadu.Terezinha De Deus

Komentariu

Facebook Comments

Leave a Reply

Your email address will not be published. Required fields are marked *