Problema Boot Halo Diskriminasaun Ba Defisientes

Problema Boot Halo Diskriminasaun Ba Defisientes

- in Nasional
101
0

DILI-Too agora komunidade seidauk iha konsiensia ida, hodi kontinua halo diskriminasaun ba ema ho kondisaun defisientes, ida nee sai hanesan problema boot ida.

Lamentasaun nee hatoo husi Direitor Ahisaun, Domingos Talo Mau dos Santos, hatete, buat ida diskriminasaun ba ema difisientes, nee hanesan problema boot ida, tanba ida nee fila-fali ba konsiensia ida-idak ninia inan aman.

“Hau hanoin, fundasaun ahisaun hamutuk ho parseiru sira, hanesan ADTL sumrinha ba organizasaun ema ho difisientes, kontinua luta nafatin, oinsa atu bele hamenus diskriminasaun, liu-liu familia neebe mak halo diskriminasaun ba oan sira neebe moris ho kondisaun difisientes,”dehan Domingos ba STL iha nia knar fatin Fatuhada Dili Kuarta foin lalais nee.

Nia hatete, ahisaun sei nafatin iha ninia komitmentu hamutuk ho nian parseiru sira, oinsa luta nafatin atu bele hamenus diskriminasaun neebe mak iha, dala ruma komunidade no familia sira seidauk kompriende lolos, saida make ma difisientes hakarak.

“Sidadaun hotu-hotu iha direitu hanesan, laiha ema ida mak hela iha kotuk, entaun ema hotu iha direitu hanesan, edukasaun saude, ida make ma difisientes direitu, oinsa atu asesu ba,”dehan nia

Iha fatin hanesan, Antoninho da Silva Soares, hanesan defisiente, hatete, apela ba inan aman sira neebe oan difisientes katak, oinsa atu bele respeita ema difisiente sira neebe iha komunidade, liu-liu sira iha area remotas, neebe nunka asesu ba informasaun, oinsa buka dalan atu bele koopera ho autoridade lokal sira.*Jacinta Sequeira/Sonia Ferreira

Komentariu

Facebook Comments

Leave a Reply

Your email address will not be published. Required fields are marked *