Prioridade Universidade Publiku-Privadu Tenke Hanesan

Prioridade Universidade Publiku-Privadu Tenke Hanesan

- in Edukasaun
233
0
UNTL

DILI– Haree ba mandatu VI governu besik remata, hodi tama fali ba iha VII governu, universidade privadu sira husu atu tau preoridade hanesan ba privadu ho publiku, tanba estudante sira mesak ema Timor oan.

Kestaun nee hatoo husi Reitor Institute Superior Cristal (ISC) Sebastiao Pereira katak, ba governu foun neebe mak mai sira hatoo katak tenke tau matan ba universidade hotu iha Timor laran, tantu publiku nomos privadu, tanba universidade privadu sira mos hanorin estudante mesak ema Timor oan.

Tenke tau preoridade ba universidade publiku ho privadu hanesan hodi labele haree balu sai anak tiri balu sai fali anak mas nee ladun diak. Tanba nasaun ida nee ema hotu kontribui neebe tenke tau matan hodu ba estudante sira tantu iha eskola publiu no privadu,” katak Sebastiao ba STL foin lalais nee iha nia knaar fatin Cristal Balide.

Nia hatete, karik iha sub-sidiu ou ajuda ruma ba governu foun atu mai hotu-hotu tenke fo hanesan, tanba hotu-hotu hamutuk mak bele hasae kualidade rekursu umanus Timor-Leste.

Entretantu Reitor DIT Manuel Vong hatete, hakarak hadia kualidade ensinu superior liu-liu ba universdade privadu sira ida nee presiza tebes, maibe ida nee mos governu tenke iha investimentu diak, tanba agora universidade privadu hetan investimentu barak liu husi familia estudante sira, husi investimentu governu kiik oan los. Guilhermina Franco/Jacinta Sequeira

 

Facebook Comments

Leave a Reply

Your email address will not be published. Required fields are marked *