Prioridade MEK Ba Ezame Nasional

Prioridade MEK Ba Ezame Nasional

- in Edukasaun
83
0
Ministru RUi Hanjam

DILI – Ministeriu Edukasaun no Kultura  (MEK), oras nee dadaun fo prioridade ba iha ezame nasional  (EN) neebe mak sei realiza iha loron  23 Outubru 2017.

Tuir  Ministru  Edukasaun e Kultura  (MEK), Fernando Hanjam, dehan, konaba  MEK  nian programa cen dias ninia,  sira sei haree, maibe agora dadaun  MEK  sei tau prioridade liu mak  ba iha ezame nasional ninia. Tanba  ezame nasional besik dadaun ona, entaun  sira  tenke rezolve uluk lai ida nee, tanba  bainhira estudante sira  nee remata, sira atu ba neebe, entaun  tenke koalia ho universidade iha  Timor tomak, hodi bele haree, estudante neebe  tuir ezame nasional nee hira, depois universidade  ninia vaga atu simu estudante  nee hira.

Konaba hau nian programa cen dias ninia, ami sei haree, maibe agora dadaun ami sei tau prioridade liu mak  ba iha ezame nasional ninia, tanba ita boot sira hatene, ezame nasional besik dadaun ona, entaun ami tenke rezolve uluk lai ida nee, depois mak tuir fila-fali, bainhira estudante sira  nee remata ona,”dehan  MEK  Fernando ba  jornalista  iha edifisiu MEK  Vila-Verde  Dili,  Sesta  (06/10/2017).

Fernando, akresenta, sira sei tau  prioridade uluk  ba iha ezame nasional, tanba finalista  sira neebe mak  estudu  iha ensinu baziku atu sae ba iha  sekundariu, no  husi sekundariu atu sae ba iha nivel ensinu superior ninia, tanba nee, programa prioridade primeiru ba iha ezame nasional, atu nunee ezame nasional refere, bele lao  diak no susesu.

Iha parte seluk, Reitor IOB, Augosto Soares, dehan, tinan-tinan  institutu  sempre simu  estudante sira, maibe  agora  dadaun seidauk loke inskrisaun, tanba  finalista sira seidauk tama iha  ezame nasional, bainhira  remata  ona, institute  hahu halo inskrisaun ba  estudante sira neebe mak hakarak atu tama iha  IOB.

“Hau hanoin tinan-tinan institute sempre simu estudante sira, maibe agora dadaun seidauk loke inskrisaun, tanba finalista sira seidauk tama iha ezame nasional, bainhira remata ona, ami hahu halo inskrisaun,”dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *