Prezidente PN Hasoru Dom Virgilio, Rona Igreza Nia Hanoin

Prezidente PN Hasoru Dom Virgilio, Rona Igreza Nia Hanoin

- in Nasional
506
0
Aniceto Guterres

DILI– Prezidente Parlamentu Nasional (PN), hasoru malu ho Bispu Dioseze Dili, hodi komprimenta bispu, inklui rona igreza nia hanoin mantein dialogu entre parlamentu igreza no governu.

Hasoru malu entre Prezidente PN ho Bispu Diocese Dili nee iha, paço episcopal Diocese Dili, akompana husi primeiru Vice PN Julio Sarmento Alias Metamalik.

Prezidente Parlamentu Nasional Aniceto Guterres dehan, sira hasoru Bispu Diocese Dili, hodi aprezenta PN komprimenta Bispu, hanesan bain-bain aproveita rona mos bispu hanesan igreza nia lian.

Iha enkontru nee amu bispu nia mensajem importante atu hakarak mantein nafatin dialogu entre parpol, estadu, forsa no mos politika sira hotu. Atu bele garante kontinuidade liu-liu estabilidade neebe ohin loron Timor-Leste hetan ona, nunee mos bele fo fatin ba sidadaun hotu hanesan governu atu partisipa no halao dezenvolvimentu,” katak prezidente PN ba jornalista hafoin remata hasoru malu ho Bispu diocese Dili iha Lecidere, Kuarta (13/09/2017).

Sira mos mai informa konaba programa importante atu hametin partisipasaun sivika sidadaun nian, tanba loron 2 liu ba PN aprova ona komisaun neebe atu bele halao servisu ba ida nee. Tuir nia PN deside komisaun nee atu fo espasu ba partisipasaun direta, atu hatoo hanoin diak sira neebe atu kontribui ba estadu no dezenvolvimentu iha nasaun nee.

Iha fatin hanesan Bispu Diocese Dili, Dom Virgilio do Carmo da Silva hatete nia fo parabnes ba prezidente PN ho vice sira neebe ohin mai ho inisiativa rasik, sira mai hanesan sidadaun sarani, nomos hanesan reprezanta povu iha PN. Guilhermina Franco

 

Facebook Comments

Leave a Reply

Your email address will not be published. Required fields are marked *