Prezensa Lei VD, Halo Ema Hatoo Keixa Makaas

Prezensa Lei VD, Halo Ema Hatoo Keixa Makaas

- in Krime
2390
0
1604382_1033057823486533_1559829927161377424_n

DILI- Lei Violensia Domestika (LVD) neebe iha, halo ema latauk hatoo keixa ba polisia bainhira hasoru problema. Numeru ema hatoo keixa nee aumenta makaas, hatete Direktor Judicial System Monitoring Programme (JSMP) Luis de Oliveira Sampaio ba jornalista iha Hotel Timor, Dili, Kinta (21/12/2017).

Husi ami nia peskiza haree katak, prezensa Lei Violensia Domestika, husi aspetu ema ninian vontade atu ba hatoo keixa nee boot. Ami mos lahalo took peskiza ida katak, ho lei neebe iha, atu redus violensia domestika nee ka lae, ” dehan Oliveira.

Haree ba numeru neebe aumenta, enkoraja tribunal sira, alende kondena arguidu sira, aplika mos regra ba konduta nee, hanesan aprezentasaun periodika, selu indimizasaun ba vitima, no haruka mos sira husu deskulpa iha publiku ba krime neebe sira halo.

Nunee opsaun seluk. Bele haruka sira halao servisu sosial iha komunidade,  atu nunee bele redus violensia domestika iha komunidade nia leet.

Husi fatin ketak, Natalino do Santos (akademika UNTL) hateten, ema neebe komete krime violensia, tenki aplika pena neebe todan, ka selu multa. Atu nunee, sira bele prevene hahalok nee.

Hau hanoin agora nee ema baku malu, laos joven sira deit, iha familia, laen baku fen tanba hatoman an ona. Maibe se maka halo hahalok nee, diak liu aplika pena todan para sira tauk. Labele halo tan iha futuru,” dehan Natalino.

Nia sujere, feto neebe hasoru violensia domestika, labele tauk atu hatoo keiza, tanba lei iha ona atu regula ema hirak nee. Terezinha de Deus

Facebook Comments

Leave a Reply

Your email address will not be published. Required fields are marked *