Prevene Droga, Telkomsel-SIKN Fahe Informasaun 

Prevene Droga, Telkomsel-SIKN Fahe Informasaun 

- in Metro
106
0
download

DILI-Kompania Telkomsel servisu hamutuk ho Servgisu Investigasaun Kriminal Nasional (SIKN), fahe informasaun ba funsionariu telkomsel  konaba prevensaun droga.

Tuir CEO Telkomsel Rizkian Bahar, Telkomsel konvida Polisia Nasional Timor-Leste (PNTL) atu halo sosializasaun kona ba perigu wainhira uza  droga   iha  ema nia moris.

Ami halo sosializasaun ba funsionariu kompania telkomsel kona ba  uza droga neebe perirgu tebes ba ema nia vida, hanesan iha  nasaun vizinu indonezia,  estudante barak konsumu ona droga, dehan CEO Telkomsel nee  ba Jornalista sira iha iha salaun, Tera Santa Raikotu, Dili, Kuarta, (4/12/2019).

CEO Telkomsel nee informa atividade sosializasaun droga nee relasiona ho Aniversariu  Telkomsel nian, tan nee uza Polisia Nasional Timor-Leste atu halo sosializasaun  kona ba perigu droga ba iha ema nia moris, no oinsa atu halo prevensaun.

Rizkian relata wainhira iha funsionariu Telkomsel balun kometa iha kazu ruma hanesan droga, nee sei hasai nia husi kompania Telkomsel hodi submete ba prosesu justisa.

Nia relata koperasaun entre  telkomsel ho PNTL diak tebes no liu husi servisu hamutuk nee  PNTL bele uza rede Telkomsel atu halo operasaun iha area servisu PNTL nian.

Tan nee liu husi sosializasaun nee ami hein katak ami nia funsionariu hotu bele livre husi droga, no iha potensia iha tempu besik ami mos sei halo teste urine  ba ami nia funsionariu hotu nunee bele hatene funsionariu Telkomsel livre husi droga,  esplika Rizkian.

Iha fatin hanesan Xefe Servisu Investigasaun Kriminal Nasional (SIKN), Superentendente Xefe, Henrique da Costa dehan, Servisu Investigasaun Kriminal Nasional halo sensibilizasaun ba funsionariu Telkomsel bazeia ba konvite neebe CEO Telkomsel hato  ba Komandante Jeral PNTL.

Nia informa Komandante PNTL mos hasai despasiu ida ba iha Servisu Investigasaun Kriminal Nasional atu fahe informasaun espesialmente foka liu ba iha droga.

Ita konsidera asuntu ida nee importante tanba ita hatene katak krime iha Timor Leste aumenta ba bebeik, entaun ita buka maneira oinsa bele prevene, maka liu husi dalan ida  fahe informasaun, telkomsel  nia funsionariu sira  bele komprende kona ba efek negativu husi droga, tenik Henrique.

Komandante nee hein katak ho informasaun neebe PNTL fahe liu husi Servisu Investigasaun Kriminal Nasional (SIKN) ba iha funsionariu Telkomsel sira bele hatutan ba iha  komunidade sira nunee bele hatene oinsa atu hadok an husi droga. Tanba  wainhira komsumu droga, sei mosu moras oin-oin.

 Nunee mos Ajente Xefe  Servisu Investigasaun Kriminal Nasional (SIKN), Gastao Piedade dehan metode atu halo prevensaun ba iha droga mak tenke fahe informasaun. “Importante liu mak ita koalia kona ba nia efeitu, tanba se deit mak admistra ninia afeita nee direitamenta ba iha  sistema nervozu sentral, kauza depresaun istimulasaun no halo senosaun,” esplika Gastao.ESTI-01

Komentariu

Facebook Comments

Leave a Reply

Your email address will not be published. Required fields are marked *