Presu Sasan Nesesidade Baziku Normal

Presu Sasan Nesesidade Baziku Normal

- in Economics
122
0
loja

DILI – Stok nesesidade baziku iha supermarket no mini market presu normal, bele fasilita konsumidores atu sosa hodi konsume, liu-liu komunidade sira neebe halo vida negosiu.

Tuir Loja nain Mateus Gloria katak, sasan nesesidade baziku hanesan mina, masin-midar, masin, mantolu, fos, mantega, terigu, susu-ben, masako, folin laiha mudansa. Mina litru 5 folin U$ 5.00 kada serken, terigu kilo ida ho presu U$ 1.00, masin-midar kilo ida presu U$ 1.00, masin falun ida $ 10 sentavos, mantega falun ida U$ 40 sent, signifika presu normal no stok iha loja nakonu bele responde konsumedor sira.

Ami nia presu sasan iha loja nee sei lasae, no loron ba loron ema hotu kuaze mai hola iha nee, folin iha loja tuir presu neebe Ministeriu  Komersiu Industria e Ambiente (MCIA) fo tan nee semana-semana sira mai foti dadus  kona-ba presu sasan iha loja nee rasik,’’ dehan Loja nain Mateus Gloria ba jornalista, Sesta (17/3/2017) iha Audian.

Nia mos informa tan katak, sasan folin iha loja nee normal, tan nee fo rendementu neebe diak.

Iha fatin hanesan Faustinho Gomes nuudar konsumidores dehan, folin sasan tun-sae, laos deit iha loja Audian, maibe iha loja sira hotu liu-liu kios kiik neebe mai sosa iha nee.

Faan tutan fali nee mak hasae presu tuir sira nia hakarak, tanba atu hetan lukru boot, no sira mai sosa iha loja folin normal, ba too kios komesa hasae tan folin.

Hau hanoin governu liu husi MCIA atu mantein halo ispeksaun ba loja sira seluk, inklui mos loja kiik atu nunee bele hatene presu neebe detailadu ho nunee bele normaliza folin iha merkadu no mos loja sira,” Faustinho.

Hatan ba preokupasaun nee Diretur Komersiu Industria Domingos Guterres hateten, governu liu husi MCIA nafatin halo inspesaun iha baze atu normaliza presu iha merkadu. Hodi labele fo impaktu boot ba komprador sira neebe mak hakarak atu sosa. Tan nee, governu nafatin halo kontrola nunee bele normaliza presu.

Maske nunee tuir observasaun STL iha sasan basiku balun folin sae hanesan, sedap goreng folin antes kada kaixa U$ 6.25 agora sae ba U$ 6.75, sedap soto folin antes U$ 5.80 kada kaixa, agora sae ba U$ 6.45 cen kada kaixa. Masin-midar folin antes U$ 36.00-38.00 kada sak, agora sae ba U$ 46.00 kada sak. Madalena Horta

Facebook Comments

Leave a Reply

Your email address will not be published. Required fields are marked *