Presiza Kumpri Promesa

Presiza Kumpri Promesa

- in Politics
32
0
STL

DILI-Atu hamenus krime neebe akontese,governu  presiza kumpri promesa kampana iha elisaun jeral tinan 2018.

Dehan Xefe Estadu Maior Jeneral F-FDTL, Major Jeneral Lere Anan Timur ba jornalista sira, hafoin remata enkontru ho Prezidente Republika Francisco Guterres Lú Olo, iha Palasiu Prezidente Nicolau Lobato, Bairru Pite, Dili, Kuarta 04/12/2019).

Governu tenke kumpri nia promesa neebe  halao iha tempu kampana neebe dehan katak, ami ba ukun nee ami organiza arte marsial, maibe ate agora idak idak lao ninia halo problema oin oin ita hotu dun ba arte marsial, ita la hatene arte marsial ou krime organizadu neebe, katak Jeneral Lere.

Nia dehan, presiza organiza arte marsial atu nunee governu bele kontrola hanesan instituisaun Estadu nia. F-FDTL nee instituisaun militar ida neebe kontroladu no organizadu tanba nee  husu governu oinsa mak bele kontrola arte marsial sira nee.

Tanba tuir lere katak, organizasaun neebe mak konesidu hanesan taikondo, kempo nee kontroladu hodi halo kompetisaun husi nasional no internasional hanesan atividade desportiva ida.

Se la organizadu mak akontese buat ruma, sei dun ba arte marsial no krime organizadu, nia hatete.

Jeneral fitun rua nee haktuir tan katak,haree ba krime neebe  akontese iha fatin fatin labele fo sala ba polisia katak, polisia mak laativu no polisia mak la preokupa.

Maibe nia dehan,  polisia labele halo seguransa ba ema idak idak, polisia halo seguransa ba area neebe mak dook husi fatin akontesementu nunee labele kobre ida ba ida.

Hau hamriik iha nee hau bele halo problema iha kolmera neeba mos iha, bainhira polisia too iha fatin halai ona ida nee laos sala polisia nian, tanba nee mak hau hanoin presiza organiza arte marsial no juventude balun stres serbisu laiha, hatete Jeneral fitun rua nee.

Lere haktuir tan katak, estabilidade iha  nasaun bele hakat ba oin, tanba nee governu  tenke iha responsabilidade atu organiza juventude, nunee Timor nee bele hakmatek.

Nunee mos Prezidente Republika Francisco Guterres Lú Olo nuudar supremu tau ann  iha politika no militar nia klaran labele dehan politika mak aat no diak liu.

PR mos alerta nafatin nuudar komandu supremu Armadas bainhira militar halo sala tenke koalia lolos, atu nunee hodi bele fo hanoin  hadia buat neebe  diak liu, ida mak Prezidente nia dever no kompetensia.

Entretantu Ministru Defeza no Interior Interinu Filomeno da Paixão de Jesus dehan, konaba krime neebe oras nee kontinua akontese iha sidade Dili, nia fo ona serbisu ba komandu polisia.

“Hau fo ona serbisu ba komandu polisia, agora ikus nee komandu polisia serbisu komesa makaas liu tan, hodi kontrola ba krime neebe akontese,” hatete Ministru nee. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *