Presiza Hadia Karakter Membru PNTL

Presiza Hadia Karakter Membru PNTL

- in Nasional
115
0
PNTLll

DILI– Haree ba situasaun neebe akontese bei-beik iha rai laran rezulta joven balu mate no kanek tanba, membru PNTL (Polisia Nasional Timor-Leste) sira  tiru, ida nee presiza forma no hadia karate polisia sira nian, maibe mos presiza iha investigasaun ba kazu sira neebe akontese ona.

Kesaun nee hatoo husi Deputadu Virgilio Hornai husi Bancada PD hatete, prezensa polisia sira nia para atu atua problema ruma ho maneira pasifika, atu nunee situasaun bele normal fali, maibe iha iha situasaun mais esesivu hodi rezulta ema kanek no mate.

Hau hanoin formasaun ba PNTL mee importante tebes I, presiza hadia no forma sira nia karater hanesan polisia neebe mak iha iha knar esensial mak atu asegura  hodi restaura ordem publika, tanba ordem publika nee mak kontribui husi sidadaun rasik, liu-liu joven sira iha obrigasaun mos atu kontribui ba restaurasaun ordem publiku,’ katak Deputadu Virgilio ba STL iha intervista Kuarta (17/05/2017) iha  Uma Fukun Parlamentu Nasional.

Nia mos husu mos ba joven sira atu kria estabilidade iha bairu neebe mak hela ba atu nunee labele inpoin fali situasaun ida lahakmatek ba komunidade sira iha bairu-bairu.

Iha fatin hanesan Deputadu Cesar Valente husi Komisaun B hatete katak, komisaun B hakarak ka lakohi tenke koalia ho komnadu jeral, tanba haree ba agora dadaun mos eventu nasional neebe mak organiza, hanesan eleisaun jeral ba parlamentu, neebe duni kestaun ba seguransa   atu hare oinsa mak postu de vista seguransa.

Iha parte seluk Deputadu husi komisaun B David Dias Ximenes hatete katak kona ba akontesemntu kazu nee husi rezultadu hatudu katak bala musan mak halo mate joven nee, maibe tenke detekta fali katak bala nee se nian, tanba iha Timor nee iha oin rua ida husi PNTL nian no ida seluk husi F-FDTL nian, neebe presiza hare took kilat musan nee se nian. Guilhermina Franco

Facebook Comments

Leave a Reply

Your email address will not be published. Required fields are marked *