Presiza Dezenvolve Edukasaun Husi Espritu Rezistensia

Presiza Dezenvolve Edukasaun Husi Espritu Rezistensia

- in Edukasaun
1075
0
antonio-me

DILI – Iha III kongresu nasional edukasaun nee hetan palestra husi fundador nasaun, tanba nee, ema hotu espresa katak, presiza dezenvolve edukasaun nee mai husi espritu rezistensia.

Liu husi intervista ba jornalista, Ministru Edukasaun (ME), Antonio da Conceição hatete, ohin  hanesan loron ikus kongresu nasional edukasaun neebe mak halao durante loron tolu nia laran, no inspirasaun neebe sira hetan husi palestra neebe mak fo husi fundador nasaun mak hanesan Mari Alkatiri, Jose Ramos Horta, igreja katolika no mai husi eng. Mario  Viegas Carrascalao, inklui mai husi maluk sira pais da lingua portugues, hotu-hotu espresa katak, presiza atu dezenvolve edukasaun mai husi espritu rezistensia rasik.

Deklarasaun neebe mak orsida ami hasai mak ida nee, hau hanesan Ministru da Edukasaun hau bele lee hanesan konsensu ida ami hetan intermus de lian neebe mak atu uza ba aban bain rua iha edukasaun, husi inspirasaun neebe mak ami hetan husi palestra neebe mak fo husi fundador nasaun, ita presiza atu dezenvolve edukasaun mai husi ita nia espritu rezistensia rasik, se mak ida nee duni, ita nian idependensia nee mos ita liga ba ita nia pasadu historiku ninia no ba relijiaun neebe mak ita iha, pontu komum neebe mak hotu-hotu koalia mak ida nee, ita difini politika ida hodi regula lian ensinu ninia ita difini ona mak portugues no tetun,” hatete ME Antonio ba jornalista iha edifisiu CNE Caicoli Dili, Kuarta (17/05/2017)

ME Antonio sublina, horiseik sira halo debate neebe mak klean tebes, no ohin kada grupu halo sira nia rekomendasaun, maibe rekomendasaun presiza halo kompilasaun ida sai hanesan deklarasaun.

Iha fatin hanesan Direitor edukasaun Munisipiu Baucau, Januario Cabral hatete, sira partisipasaun iha kongresu ida nee, tanba sira haree pontu importante barak, atu bele revei fila-fali ba aban bain rua, no problema edukasaun neebe mak durante nee hasoru, no oinsa mak atu hadia iha futuru. Jacinta Sequeira

Facebook Comments

Leave a Reply

Your email address will not be published. Required fields are marked *