Preokupasaun Autoridade Lokal, FLK Aprezenta Ba Chefe Estadu

Preokupasaun Autoridade Lokal, FLK Aprezenta Ba Chefe Estadu

- in Distritu
2774
0
Problema_Rai_Iha_Vikeke_no_Lautem_2

DILI – Reprezentante Forum Lider Komunitariu (FLK) aprezenta preokupasaun lideransa komunitariu ba Chefe Estado Francisco Guterres Lú-Olo. Lideransa Komunitaria husu Chefe Estado haree Lei Nu. 9/2016 hodi hadia sistema servisu lideransa suku.

Reprezentante FLKTL Marcelino Soares (atual Xefi Suku Fatuhada) hafoin enkontru ho Chefe Estado iha Palacio Prezidensial Nicolau Lobato, Baru Pite, Tersa (24/10/2017) hateten, objetivu hasoru malu ho Chefe Estado hakarak aprezenta xefi suku sira nia servisu no dezafiu neebe infrenta lor-loron ho komunidade iha baze.

Ohin ami mai husu Chefe Estado atu tau mos ami nia aspirasaun ba governu para haree hamutuk xefi suku sira nia servisu, liliu bazea ba Lei Nu. 9/2016 konaba funsionamentu suku neebe entrega ba ami atu halao, maibe iha buat balu ami presija husu,” hateten Marcelino Soares.

Iha sorumutu nee, nia dehan, sira husu Chefe Estado atu hatoo ba governu para halo revizaun ba Lei Nu. 9/2016. I sira sei fila ba hamutuk ho FLK para hatoo ba Chefe Estado liuhosi eskrita ida. Atu nunee bele hatoo ba governu.

Asuntu prinsipais neebe aprezenta ba Chefe Estado maka orgaun suku neebe eleita iha tinan 2017. Sira iha defikuldade konaba sira nia insentifu no subsidiu.

Entertantu Xefi Suku Lahane Oriental, Trindade de Amaral Pinto Baptista aumenta katak sira hasoru malu ho Chefe Estado hodi hatoo kestoens sira neebe xefi suku sira infrenta, liliu konaba Lei Nu. 9/2016 hodi regula xefi suku sira nia servisu.

Ami hasoru Chefe Estado ho pontu haat, para bele tau konsiderasaun. Atu nunee xefi siku sira bele halo servisu ho diak. I ami Chefe Estado para koalia ho governu no Parlamentu Nasional hodi haree lei nee”.

Lei Nu. 9/2016 iha Artigu 80, defini kompetensia tomak ba xefi suku sira atu bele halo reseitas no kobransa. Mas lafo espasu ba sira atu ezekuta bazea ba lei nee.

Alende nee, sira mos aprezenta konaba ezekuta orsamentu jeral ba suku. Hanesan iha eleisaun suku, neebe tuir planu sei halo iha dia 1 Dezembru 2017maibe direitu insentivu ba suku sira nian, lolos xefi suku anterior sira mak bele hetan, maibe fo fila fali ba xefi suku foun sira. Ida nee sira konsidera lalos ona.

Eleisaun ba orgaun suku nia laos deit ba eleisaun Xefi suku maibe ba xefi aldea nomos ba delegadu/a sira. Agora delegadu/a eleitu direitu husi komunidade tamba nee sira diferente ho xefi suku, no lia nain sira. Maibe realidade, sira nia direitu lakon total, tamba iha senas de prezenta tau iha neeba, fo deit $45.00 kada fulan 6.

Ho problema sira nee ami haree katak se sira hotu iha direitu hanesan ho xefi suku sira neebe hili direta husi komunidade sira, tamba saida mak sira nia senas prezensa nee kada fulan neen mak hetan $ 45.00 nee signifika katak tinan ida sira hetan $ 90.00. entaun ita hanoin katak iha diskriminasaun boot ida neebe governante sira halo ba autoridade lokal sira”.

Ho preokupasaun sira nee, delagadu/a sira lakohi kopera no halo servisu tamba sira nia direitu nee komunidade mak hili maibe sira nia diretiu lakon tamba insentivu neebe governu tau nee la fo favorese ba delegadu delegadu suku sira.

Buat importante neebe sira husu ba Chefe Estado maka senas prezensa delegadu/a kada fulan 6. Sira husu atu muda ba kada fulan, atu  nunee mesmu kustu ba vensimentu kiik maibe efetividade no balansu.

Tuir nia,Chefe Estado aseita ho sira nia preokupasaun, para atu koalia kada fulan maibe buat sira nee hotu tau ona iha lei. Tamba nee kabe ba kompetensia PN hodi haree ba kestoens sira nee.

Iha biban enkontru nee, Chefe Estado husu ba Lider Kolumitariu neebe hamahan aan iha FLK, kada fulan presija hasoru malu ho Chefe Estado para bele up-date nafatin informasaun sira nee para iha solusaun neebe diak no efikas ba lideransa komunitariu nia servisu iha baze.

Xefi suku nee salienta, lei anterior nee laiha delegadu no delegada katak sira reprezentativu ka pakote, maibe iha tinan 2016 nee mak hamosu lei nu. 9/2016 nee mak foin iha delegadu no delegada neebe lejitivamente hili direita husi komunidade sira mas iha xefi joventude no lia nain nee konsellu sukumak hili.

Nia mos husik hela mensajem ba komunidade no lideransa sira hotu katak, “Ami mai iha nee laos mai ezize ami nia direitu maibe ami hatoo ba exelensia PR kona ba situasaun real neebe akontese iha orgaun suku,” hateten Trindade. Estajiadu UNTL-1.*

Facebook Comments

Leave a Reply

Your email address will not be published. Required fields are marked *