PR Taur Agradese Serbisu PNTL

PR Taur Agradese Serbisu PNTL

- in Headline, Notisias Online, Top News
2565
0
julio-pntl

DILI – Prezidente Republika (PR) Taur Matan Ruak, agradese ba susesu serbisu Polisia Nasional Timor Leste (PNTL),tanba polisia kaer ona autor rama ambon no naok ten, neebe oras nee sulan ona iha hotel becora (prizaun).

Kestaun nee hatoo husi Komandante Jeral PNTL, Komisariu Julio Hornay, ba Jornalista sira, hafoin remata enkontru ho PR Taur, iha Palasiu Prezidensial, Aitarak Laran, Dili, Kinta (22/09/2016).

Ami informa situsaun jeral iha rai laran ba Prezidente, Prezidente hatoo agradesementu ba susesu serbisu Polisia nia, liu-liu ba polisia komunitaria, OPS no sira neebe halo sira nia knar diak iha Munisipiu too iha Suku. Nune mos susesu ba kaptursaun suspetu Rama Ambon sira neebe maka agora iha Prizaun tiha ona, balun agora hein mandadu kaptursaun, nune mos naukten sira neebe maka durante nee nauk ema estranjeiru nia  sasan no hadau, polisia kaptura agora iha Prizaun nian rua, sira seluk hein ba julgamentu, depois sira seluk hein mandadu kaptursaun,” hateten Hornay.

Prezidente Republika rasik mos akompania polisia nia serbisu, tantu iha Munisipiu, iha Suku, nunee mos iha Kapital Dili. Problema ema hotu hare no rona katak kalan-kalan sempre iha problema iha grupu ka jovens sira, oinsa sira bele kopera ho Ministeriu hotu-hotu para bele hare situasaun ida nee.

Iha parte seluk Ernesto Ribeiro nudar Dosente husi UNDIL hateten Polisia Nasional nia serbisu lao diak, tanba sira bele kaptura ona ema sira neebe durante nee hakarak estraga estabilidade iha povu nia leet. Informasaun kompletu iha STL jornal no STL Web, edisaun Sesta (23/9/2016). Joao Anibal

Komentariu

Facebook Comments

Leave a Reply

Your email address will not be published. Required fields are marked *