PR: Tasi Hanesan Odamatan Defeza Nasaun

PR: Tasi Hanesan Odamatan Defeza Nasaun

- in Nasional, Politics
14
0
FOTO:  STL/ DONACIANO MAGALHAES
DISKURSU – Prezidente da Republika,  Francisco Guterres Lú Olo, hatoo nia diskursu iha serimonia komemorasaun Aniversariu Forsa Naval Ligeira Timor Leste ba dala 18, iha Kuartel Forsa Naval Hera, Domingu (12/1/2020).FOTO: STL/ DONACIANO MAGALHAES DISKURSU – Prezidente da Republika, Francisco Guterres Lú Olo, hatoo nia diskursu iha serimonia komemorasaun Aniversariu Forsa Naval Ligeira Timor Leste ba dala 18, iha Kuartel Forsa Naval Hera, Domingu (12/1/2020).

DILI- Prezidente Republika Francisco Guterres Lu Olo dehan tasi nuudar odamatan defeza ba nasaun hanesan mos Rota Komersial Tasi, husi rota haat neebe liga tasi-boot Indiku no Pasifikuhaforsa Timor-Leste nia Potensial Jeoestejikusai rekursu boot no metin tebes ba interese Nasional.

Kestaun nee hatoo husi Prezidente Republika Francisco Guterres Lu Olo liu husi Diskursu bainhira partisipa 18° aniversariu da kompotente Forca Naval ligeira iha Hera.

Iha komemorasaun nee PR dehan nia haksolok hodi partisipa iha aniversariu da kompotente Forca Naval ligeira ba dala sanulu resin ualu. Nuudar Prezidente Republika no Komandante Supremu Forsas Armadas, afirma katak Tasi, nuudar rekursu importante ida husi rain, nuudar mos objetivu estratejiku ida ba Timor-Lesteneebe bele fo benefísiu barak liutan iha tinan hirak oinmai.

PR dehan tasi Nuudar ativu estratejiku ho kapital makaas, presiza jere Tasi ho neon-matenek no rasionalidade.

Tasi hanesan odamatan ba defeza nasaun nian Timor-Leste, hanesan nasaun ida ho artikulasaun tranzoseanika, halo parte rota komersial tasi nian ida, husi rota haat neebe liga tasi-boot Índiku no Pasifiku. Ida-nee haforsa Timor-Leste nia potensial jeoestejiku no sai nafatin  rekursu boot no metin tebes ba interese nasional. Nunee, importante tebes atu okupa espasu mamuk sira neebe tama iha ita-nia soberania no jurizdisaun nasional atu hasees risku okupasaun hosi rai seluk, dehan PR

Xefe Estadu dehan Ameasas iha tasi kada tinan aumenta ho modelu oioin, hanesan peskas ilegais, pirataria, transporta sasan perigozu sira, esplorasaun ilegal ba rekursu sira, trafiku, terrorismu no imigrasaun ilegal neebe mos akontese iha nasaun seluk.

Aman Nasaun dehan Realidade iha Timor-Leste hatudu katak publiku koalia barak kona-ba peskas ilegais neebe akontese iha tasi, ho dadus oioin. Tanba nee, ministeriu relevante sira presiza tau atensaun as liutan ba asuntu ida nee.

Nunee mos Xefe Estadu FFDTL Major Jenderal Lere Anan Timur mos manifesta sentidu Gratidaun ba ofisiais sarjentu komponente forsa  Naval da Falintil forsa Armadas timor leste.

Iha momentu ida neebe mak komemora aniversariu da kompotente Naval ba dala 18 nee hau hanesan Xefe Estadu Major Jeneral Da Falintil Forsa Defeza Timor Leste hau hakarak manifesta ba hau nia rekoinesementu ba imi nia pasensia hodi halao misaun neebe mak Timor Leste iha liu husi Falintil forsa defeza Timor leste, Dehan Lere.

Nunee mos Komandante Kapitaun Da Fragata Joao Da Silva dehan Infrastruktura finansas importante atu nunee hodi nunee bele responde ba peskas ilegal iha kapasidade halo seguransa ba Naval salva guarda vida humanu prevensaun no atuasaun ambiental iha Tasi no hatuur halo prevensaun ba krime Transnasionais liu husi Tasi hanesan fase osan, Droga, Trafiku umanu no seluk tan.atu nunee bele asegura esplorasaun Petrolifeiru ba rekursu Minarai neebe mak agora lao hela.

Ami optimista katak komponente Naval iha kapasidade hanesan hau temi iha leten maibe presiza mos kolaborasaun no serbisu hamutuk ho ministeriu sira hanesan Agrikultura i peskas interior petroliu, rekursu Minarai, ambiente, no transporte no telekomunikasaun ministeriu das obras publika no seluk tan atu asegura Maritima Naval, dehan nia.

Nia dehan komponente Nval iha duni kapasidade maibe presiza serbisu ho ministeriu sira hotu liu liu ministeriu neebe mak relevante ho komponente relevante atu nunee bele asegura tasi ho diak liu tan. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *