PR Seidauk Simu Proposta Estadu Emerjensia Husi Governu

PR Seidauk Simu Proposta Estadu Emerjensia Husi Governu

- in Nasional, Notisias Online, Politics
320
0
maxresdefault(1)

DILI– Prezidente Republika Francisco Guterres Lu Olo dehan nia seidauk simu prosta konaba Estadu Emerjensia.
Kestaun nee hatoo husi Prezidente Republika Francisco Guterres Lu Olo ba jornalista liu husi komunikadu imprensa iha Palasiu Prezidente Bairru Pite Sesta 20/03.

Dekretu Kona-ba Dekretu Prezidensial ba Estadu Emerjensia, Prezidente Republika seidauk simu proposta husi Governu atu foti medida ida nee. Bainhira simu proposta nee, mak hau sei halao kedas prosesu hodi rona Konsellu Estadu no Konsellu Defeza no Seguransa Nasional nia opiniaun no submete ba Parlamentu Nasional nia autorizasaun, dehan Prezidente Republika Lu Olo.

Prezidente republika husu tenke hasoru ameasa no dezafiu sira nee ho kalma no serenidade, lalika paniku. Estadu iha dever atu proteje maibe sidadaun iha responsabilidade atu kolabora. emaa hotu tenke serbisu hamutuk.
PR dehan governu komprometidu rejolve problema husu ema hotu serbisu hamutuk ho governu atu hatan ba problema neebe mak timor hasoru ohin loron.

Governu komprometidu atu rezolve problema. Nunee, hau apela ba hotu-hotu serbisu hamutuk, liu liu ba instituisaun publika sira, atu apoia governu hodi bele hatan ho efikasia ba situasaun atual Husu mos ba líder no partidu politiku sira atu hamutuk haree ba Povu nia nesesidade, iha tempu susar ida nee. Nunee ita sei bele hametin konfiansa no serenidade ba ita-nia Povu. Hamutuk ita hasoru dezafiu, Hamutuk ita kombate corona virus, dehan PR.

Xefe Estadu husu, ema hotu hotu prepara an, ho ulun malirin no organizadu, atu moras nee, karik tama, sei la hadaet ba bebeik. ida-idak tenki hatene saida mak atu halo, atu bele ajuda familia no komunidade hadook-an husi moras aat nee.

Ita hakarak proteje ita-nia an, ita-nia família, ita-nia komunidade no ita-nia pais. Ita bele hadook-an liu husi Fasi liman bebeik ho sabaun ka uza dezinfetante ruma, hanesan alkol. Labele kaer bebeik ita-nia oin, karik ita la fase uluk. Pratika hijiene respiratoriu taka ibun no inus ho liman sikun wainhira fani bainhira uza tixu, soe tixu foer ba lixu fatin ho matan, Hadook-an husi ema neebe mear ka fani. Maibe labele hatudu katak hakribit sira. Importante buka ajuda sira. Se sente ladun diak, hela deit iha uma hodi deskansa. Kontakta ho profisional saude nia, karik presiza, dehan Lu Olo.

Aman nasaun nee dehan Governu hili ona Tibar nuudar fatin kuarentena. Katak sei lori ba iha neeba ema sira neebe mai husi pais afetadu ka hetan ona virus corona, ka ema iha ona kontaktu ho ema neebe iha moras corona virus. Durante kuarentena, sira sei halo teste no bainhira hatene ona rezultadu katak la moras, mak husik sira sai husi fatin nee.

Lu Olo dehan Sira neebe kazu suspeitu, katak hatudu sintoma ruma maibe seidauk hatene loloos iha ka lae moras nee, pesoal saude sei lori ba hela iha sentru saude, iha Formosa. Ba kazu konfirmadu sira, tratamentu sei halo iha Klínika Vera Cruz.

Governu prepara dadaun fatin sira nee no tenke foti medida ho kuidadu hotu-hotu atu fatin sira nee labele fo risku ba komunidade sira neebe hela haleu iha neeba. husu ba maluk ida-idak atu fo apoiu ba Governu atu implementa medida sira nee hodi proteje komunidade no pais tomak. Nee katak ema neebe suspeitu ka iha ona infesaun tenki tama kedas iha fatin governu prepara.

Nunee mos Ministra Saude interina, Elia A. A dos Reis Amaral hatete, Prezidente Republika (PR), Francisco Guterres Lu Olo, mak iha kompetensia atu dekreta Estadu Emerjensia relasiona ho Corona Virus (COVID-19).

Ministra Saude interina dehan Estadu Emerjensia relasiona ho Corona Virus (COVID-19) nee, kompetensia Prezidente Republika nia. hein, tempu badak Prezidente Republika sei koalia kona-ba asuntu nee.

Antes nee, liu husi soru-mutu Konsellu Ministru (KM) estraordinaria, deside solisita Prezidente Repúblika (PR), Francisco Guterres Lu Olo, hodi dekreta Estadu Emerjensia relasiona ho evolusaun no preokupasaun ba situasaun epidemiolojika ba kazu rejistadu husi Corona virus ka COVID-19 iha eskala global. Tanba nee, situasaun nee ezije Governu aplika medida estraordinaria ho karater urjente atu bele trava situasaun nee afeta ba rai-laran.

Reportajen : Emerencian Pinto

 

Komentariu

Facebook Comments

Leave a Reply

Your email address will not be published. Required fields are marked *