PR Sei Partisipa Iha Asembleia Jeral Nasoens Unidas

PR Sei Partisipa Iha Asembleia Jeral Nasoens Unidas

- in Nasional
448
0
Hernani

DILI—Prezidente Republika Francisco Guterres Lú Olo sei dezloka ba iha Nova Yorke, hodi partisipa iha asembleia jeral Nasoens Unidas, neebe sei koalia konaba kestaun operasaun ba pas.

Lia fuan hirak nee hato husi Ministru Negosiu Estranjeiru no Koperasaun Hernani Coelho ba jornalista depois inkontru ho Prezidente Republika Francisco Guterres Lú Olo iha Palasiu Prezidente Bairo-Pite Dili Tersa, (12/9/2017). Nia dehan tan tuir ajenda neebe maka iha katak prezidente republika sei hahu dezloka ba iha Nova Yorke hahu iha loron 18-21.

Tuir rezumu ajenda Prezidente Republika Francisco Guterres Lú Olo sei dezloka ba Nova Yorke hahu iha loron 18-21 Setembru 2017 nee. Iha neba sei partesipa iha inkontru asembleia jeral nasoins unidas, konselu seguransa nasoins unidas, inkontru ho nasaun CPLP no iha Pontus importantes seluk nebe iha ona ajenda nebe iha ona,” nia dehan.

Primeiru ajenda prezidente republika sei partesipa iha runiaun asembleia jeral nasoins unidas nian neeebe sei hahu iha loron 18 Setembru 2017. Sei partesipa inkontru sekertariu jeral nasoins unidas tuir resepsaun neebe nasoins unidas no prezindete nasoins unidas sei oferese.

Timor mos sei kualia konaba operasaun ba pas nebe TL involve iha nasaun sira nebe iha nunee mos sei partesipa iha runiaun iha konselu seguransa. Tamba nee Timor sai nudar ejemplu ba nasaun seluk nudar operasaun ba pas iha mundu tomak. Kualia mos konaba manutensaun operasaun ba pas nian iha konselu seguransa nian nomos esperensia 1999 ate agora.

Tuir mai sei iha brifin ida konaba fronteira maritimas negosiasaun TL no Australia no Indonezia no Timor Leste nian. Sei kualia mos konaba dezenvolvimentu pas nian nebe hatudu ba nasaun nebe foin sai husi konfliktus nunee mos sei halo inkontru balun nebe sei halo ho nasaun sira balun iha neba. Iha parte seluk mos sei halo inkontru ho CPLP. Nunee mos sei partesipa inkontru konaba reformas nasoins unidas nian ida nee maka Pontus importantes sira nebe iha. Justinho Manuel

 

Facebook Comments

Leave a Reply

Your email address will not be published. Required fields are marked *