PR Preokupa Maritima Kosta Sul

PR Preokupa Maritima Kosta Sul

- in Nasional
45
0
41632304_522787171506227_8330169523919388672_n-800x581

DILI-Prezidente Republika, Francisco Guterres Lu Olo preokupa ho seguransa Maritima iha Kosta Sul no husu atu  halo koperasaun ho Australia  liu husi  patrullamentu  konjuntu  ba iha tasi laran nomos  lalehan.

Preokupasaun barak neebe mak ita akompana mak autoridade Maritima, seguransa Maritima, ida nee mak preokupasaun Prezidente nian, dehan Ministru Defeza, Filomeno Paixao de Jesus ba Jornalista sira iha Palasiu Prezidente Bairru Pite, Dili Tersa (03/12/2019).

Ministru Defeza no Interior Interinu nee  hatutan koperasaun entre TL Australia atu halo patrullamentu konjuntu nuudar  konseitu ida haruka ona husi defeza ba Gabinete Primeiru Ministru, agora halo hela estudu depois hasae ba Prezidente atu hare no hato pontu de vista.

Ministru marka audensia ho PR hodi relata situasaun Defeza no interior nian ba  iha Prezidente Republika inklui atividade instituisaun F-FDTL no PNTL konaba kontrolamentu ba sidade Dili, husi polisia komunitariu, no atendementu polisia tranzitu iha terenu.

Paixao informa mos konaba krime neebe mak oras nee kontinua akontese iha sidade Dili, no rekomenda ona komandu polisia Nasional Timor Leste atu hola medidas neebe nesesariu hodi prevene.

Hau fo ona serbisu ba komandu polisia no agora ikus nee komandu polisia serbisu komesa makas  tan,tenik Paixao.

Nia relata katak krime sira neebe  mosu hanesan iha ona background barak, balun iha edukasaun, bele iha kultura, no balu iha situasaun ekonomia social, situasaun hirak nee halo ema balun hanoin diak no balun iha hanoin aat.

Ministru konsidera kazu sira nee laos mosu derepente deit, maibe iha kauza pasadu no kauza remotas, tan nee  polisia tenke halo prevensaun karik labele ona tenke halo reasaun.

Paixao propoin atu aumenta numeru polisia tanba nee mak presiza hadia uluk displinar, antes atu  aumenta polisia.

Tenke hadia rasio polisia nia ba populasaun hira, tanba nee mak presiza iha atensaun no atensaun mos ba osan tanba ohin loron iha hela problema osan, komenta Paixao.

Antes nee Xefe Estadu Maior Jeneral F-FDTL Lere Anan Timur mos hasoru malu ho prezidente Republika Francisco Guterres Lu Olo hodi informa kondisaun F-FDTL nunee mos prosesu Rekrutamentu Forsa defeza Foun nunee mos situasaun seguransa rai laran  ba iha Xefe Estadu. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *