PR Lu Olo Triste,  Promulgasaun OJE 2019

PR Lu Olo Triste,  Promulgasaun OJE 2019

- in Nasional
171
0
PR

DILI- Prezidente Republika Francisco Guterres Lu Olo, sente triste ba promulga OJE 2019 neebe nia parte iha loron hitu fulan Fevreiru halo ona promulga ho osamentu montante 1.482 Billoes neebe  maka Parlamentu Nasional halo reapresizaun.

Hau triste tanba haree katak,  distintu deputadu-sira hasai deit millaun atus neen lima nulu hosi proposta Orsamentu Jerál Estadu, maibé la simu hau nia preokupasaun kona ba nesesidade bazika Povu nian”, dehan Lu Olo iha nian mensajen ba nasaun liu husi Promulga OJE 2019 neebe maka halo iha Palasiu Prezidensial , (11/2/2019).

Tuir aman,  nasaun nee katak,  persentájen alokasaun orsamentál ba edukasaun, saúde, agrikultura no turismu sei kiik nafatin.

Ho laran susar, nia parte  deside promulga dekretu Orsamentu Jerál Estadu ida nee ho razaun tuir mai nee, dekretu foun ida nee hetan alterasaun deit, iha ninia montante. Hosi dekretu dahuluk, ho total orsamentu dólar billiaun rua atus ida tolu nulu resin rua, tun tiha ba dólar amerikanu  biliaun ida atus haat ualu nulu resin rua, iha dekretu foun.

Ha’u promulga Dekretu foun ida ne’e tanba hanoin katak  osan hasai hosi Orsamentu Jerál Estadu sei benefisia ferik no katuas-sira, maluk sira ne’ebé simu bolsa-de-mãe,  ita-nia labarik sira-nia merenda eskolár, veteranus no sidadaun sira seluk ne’ebé sei simu transferénsia públika”, dehan Lu Olo.

Nia parte fiar katak ita hothotu iha dever atu prepara ba ita-nia futuru,  prepara kondisaun moris-di’ak ba ita-nia jerasaun abanbairua nian,  hosi lalaok ka komportamentu ne’ebé ita hala’o ohinloron. Ita tenke haree ba realidade ohinloron nian! Ita tenki manán konxiénsia koletiva klean liu kona-ba ita-nia realidade ohinloron no ita-nia futuru, nuudar Nasaun. Notisia kompletu lee iha jornal STL edisaun Tersa (12/02/2019). Natalino Costa

Komentariu

Facebook Comments

Leave a Reply

Your email address will not be published. Required fields are marked *