PR Lu Olo Ofrese $ 200.00 Ba Labaraik Nain 10

PR Lu Olo Ofrese $ 200.00 Ba Labaraik Nain 10

- in Nasional
42
0
deficiencia-timor

DILI-Prezidente da Republika Francisco Guterres Lu Olo, offrese osan hamutuk UDD $ 200.00 ba labaraik nain sanulu, iha komemorasaun loron Internasional defisiente, neebe selebra iha Palasiu Prezidente Nicolau Lobato, Dili.

Xefe Estadu dehan, Ohin Prezidente Republika hakarak promove programa nasional poupansa, neebe Banku Sentral Timor-Leste hahu iha tinan 2014. Prezidente da Republika hakarak agradese Banku Sentral no mos Banku Komersial sira tanba loke programa murak ida nee. Tinan kotuk Prezidente da Republika promove programa nee ba labarik sira.

Ohin hau hili inan-aman sira neebé mukit liu no iha oan-kosok no oan ho otas to o sanulu resin hitu (17). Liuhusi biban ida nee, hau hakarak atu konvida inan-aman sira hotu, atu hahu rai osan ba labarik sira-nia futuru.  Tanba Prezidénsia Repúblika la iha kbiit ba   hohtotu, nu’udar insentivu, hau sei fo  osan oituan ba  nain sanulu, atu rai iha banku,  ba kikoan sira-nia futuru,” dehan PR Lu Olo, liu husi diskursu iha komemorasun loron Internasional defisiente, neebe halao iha Palasiu Prezidente Nicolau Lobatu, Dili, Segunda ( 03/12/2018).

Aman Nasaun RDTL nee hatete, Biban ida seluk mak Prezidente Republika hakarak halao ohin mak fahe ai-oan, atu ida-idak kuda iha nia hela-fatin ka iha fatin neebe presiza ai-hun barak, liuliu iha foho-leten no mota- sorin. Importante kuda ai nafatin no tau matan to’o boot, atu satan udan-been no evita rai la naksobu.

Iha fatin hanesan Ezaura do Santos Gonsalves hanesan inan hatete “Ami senti kontenti tanba Prezidente da Republika halo diak ba ami nia oan neebe ho defisente, neebe ami agradese tebes ba aman nasaun,” dehan Ezaura.

Entretantu Terezinha Cardoso hanesan inan hatete“Hanesan ema ho defisiente senti kontenti tanba foin primeiraves hasoru Prezidente da Republika, maibe iha hasoru malu ida nee ita nia Prezidente da Republika fo ajuda mai ami,” dehan Terezinha. Notisia kompletu lee iha jornal STL edisaun Tersa (04/12/2018). Carme Ximenes

 

Facebook Comments

Leave a Reply

Your email address will not be published. Required fields are marked *