PR Lú Olo Kansela Nia Viazen ba Nova Yorke

PR Lú Olo Kansela Nia Viazen ba Nova Yorke

- in Nasional
618
0
Espoza PR

DILI– Prezidente Republika Francisco Guterres Lú Olo kansela nia viajen ba Nova Yorke hodi tuir reuniaun altu nivel iha asembleia jeral Nasaun Unidas (ONU), tamba impede husi ajenda nasional liu-liu ba kestaun formasaun governu.

Lia hirak nee hatoo husi Jose Ramos Horta hafoin remata enkontru ho PR Lú Olo, ba jornalista sira iha palasiu presidensial Bairo Pite, Kinta (14/9/2017).

Tuir Jose Ramos Horta katak nia parte mai koalia ho Prezidente Republika tamba hetan konvida husi Prezidente Republika rasik, no Sabdu semana nee nia sei aranka ba Nova Yorke.

Prezidente okupadu tebe tebes hare ajenda nasional liu-liu ba formasaun governu no ida nee Prezidente lakohi sai fali husi Timor-Leste enkuantu buat ida seidauk iha klarifikasaun, nee duni Prezidente husu hau para nudar Prezidente Republika nia enviadu espesial iha asembleia jeral ONU, hodi lee Prezidente Republika nia mensajen, alen de ke hau mos iha ona konvite husi sekretariu jeral ONU,” dehan Horta.

Tuir Horta nudar enviadu, servisu neebe maka ladun todan, tamba Prezidente nia deskursu ba lee iha asembleia ONU. Kanselamentu Prezidente Republika nia Presenza iha ONU nee rasik tamba impede husi buat balun.

Horta dehan nia sei lori Prezidente nia mesajen ba ONU no liu husi mesajen nee nia sei husu deskulpa ba partisipante husi reuniuan asembleia jeral ONU nian. Natalino Costa

Facebook Comments

Leave a Reply

Your email address will not be published. Required fields are marked *